影片
更多
2021-10-19
1151 瀏覽
今日係星期日，難得放假，我就同咗母親大人去太古行街，行到傍晚時間，就去食晚餐喇！今次同媽咪就揀咗食韓國菜，呢間餐廳叫Banchan and Cook，見到佢嘅裝潢設計簡單又舒服，非常之有韓國風。睇完餐牌，見到好多野都好想食，最後我哋都揀咗五樣嘢一齊share食！第一個係外型好特別，大大碟嘅黑色海鮮蛋包飯，一切開個蛋包飯，黑色嘅墨汁流晒出嚟，入面係粒粒嘅蔬菜蛋炒飯，飯粒粒分明，仲有兩隻青口同一隻大蝦，平時真係好少喺韓國食到咁型格嘅蛋包飯。第二個菜係慢煮羊膝配薯條，羊膝大大個，炆到非常稔和入味，羊膝個汁酸酸哋，好開胃，薯條蘸呢個汁食，啱哂！食韓國菜唔少得嘅一定係韓式炸雞，我哋都唔例外，叫咗半份甜辣炸雞，炸雞外脆內軟，甜甜哋又辣辣哋，食完上癮，想再食添呀！食完主菜，就到甜品，我哋叫咗一份韓式雜莓牛角包窩夫，窩夫烘到脆卜卜，又有雜莓一齊食，好清新。食完咁多嘢，點少得一人一杯嘅韓式飲品，我就叫咗一杯士多啤梨紅桑子梳打，好fruity；媽咪叫咗一杯科學怪人之夜，即係竹炭綠茶！總括嚟講，呢度嘅水準係幾高，大家快啲去試吓喇！
今次同媽咪就揀咗食韓國菜，呢間餐廳叫Banchan and Cook，見到佢嘅裝潢設計簡單又舒服，非常之有韓國風。睇完餐牌，見到好多野都好想食，最後我哋都揀咗五樣嘢一齊share食！
第一個係外型好特別，大大碟嘅黑色海鮮蛋包飯，一切開個蛋包飯，黑色嘅墨汁流晒出嚟，入面係粒粒嘅蔬菜蛋炒飯，飯粒粒分明，仲有兩隻青口同一隻大蝦，平時真係好少喺韓國食到咁型格嘅蛋包飯。
第二個菜係慢煮羊膝配薯條，羊膝大大個，炆到非常稔和入味，羊膝個汁酸酸哋，好開胃，薯條蘸呢個汁食，啱哂！
食韓國菜唔少得嘅一定係韓式炸雞，我哋都唔例外，叫咗半份甜辣炸雞，炸雞外脆內軟，甜甜哋又辣辣哋，食完上癮，想再食添呀！
食完主菜，就到甜品，我哋叫咗一份韓式雜莓牛角包窩夫，窩夫烘到脆卜卜，又有雜莓一齊食，好清新。
食完咁多嘢，點少得一人一杯嘅韓式飲品，我就叫咗一杯士多啤梨紅桑子梳打，好fruity；媽咪叫咗一杯科學怪人之夜，即係竹炭綠茶！
總括嚟講，呢度嘅水準係幾高，大家快啲去試吓喇！
張貼
