Mr. Korea BBQ (已搬遷) 新店位置

耐唔耐就會想嚟做嘅韓燒，差唔多隔幾個月或有朋友生日就會想嚟食，唔係特別平，但勝在氣氛好夠熱鬧，食物選擇夠多，仲有好多種類嘅酒簡，最緊要係無限時，玩到凌晨都無人趕。每次必點嘅係醬油蟹！食過其他餐廳，依間真心最好食，個味最啱我口味，爆膏得嚟唔太鹹又有食得出蟹嘅鮮甜。其他燒肉overall都質素唔錯，豬肋條係每次必點，有質感又juicy！見到好多檯嗌韓牛，不過朋友唔食牛所以無試。如果多人食可以嗌拼盤，可以食到多啲款。