OPPA Coffee Bar Restaurant

有朋友推介呢間餐廳，所以就黎試下喇。我哋諗住食730，但6點半左右已經見到門口有好多人排隊，係玻璃窗出面望望入去已經座無虛席。我地仲偷望到好多人都有嗌炸雞，見到啲人大大啖咁食炸雞，已經覺得好吸引，就算幾熱氣都唔理🙈🙈店舖牆上掛哂唔同款式嘅酒同飲料出嚟，俾你可以唔駛睇menu都有得揀。牆上仲有啲掛勾掛住個menu，裝修簡約舒服。當晚仲有一個靚仔oppa serve野食架😂😂我地坐低就即刻嗌左個蜜糖牛油炸雞（無骨個款）先，同埋牛肋骨湯、韓國韭菜海鮮煎餅，嘢飲就揀咗甜米水。先講炸雞，蜜糖牛油汁唔係太甜，食落冇肥膩嘅感覺， 可以不停咁食。炸雞下邊有鋪左一層薯條，薯條沾蜜糖牛油汁出奇地夾。啲雞炸得啱啱好、好脆，食落仲好嫩滑，唔會鞋颯颯👍🏻韭菜海鮮餅好足料，有好多韭菜，但呢款煎餅係比較軟身的。跟煎餅上嘅汁唔太鹹，帶有少少酸味，唔同其他韓國餐廳食嘅香脆厚身款，呢款海鮮餅有佢自己餐廳嘅特色牛肋骨湯有濃厚嘅洋蔥味，仲有陣陣嘅牛肉香氣，洋蔥同牛仔骨嘅份量都好多，感覺好抵食。上湯嘅時候，店員知道我哋要share個湯佢仲自動拎咗兩個碗仔俾我哋，好貼心我哋最後張枱上所有嘢食都清哂😂食飽飽出嚟之後仲發現有好多人排