Pizza Maru (已結業)

平時行這裡通常都係在近落仕佛台個邊搵食，今晚同幾個朋友行到這裡見到佢，於是入去座下，因有大家最愛嘅韓式炸雞，同韓式Pizza 選擇！餐廳地方闊落，還有大大嘅投影MV wall，不停播放住KPop Mv，當然餐牌上亦有不同選擇，炸雞有半份或全份選擇，我就點了半份蜂蜜蒜泥炸雞6件$119，Pizza 就點了個推介嘅群蟹派對12"$173，另外再加埋個漁夫蕃茄燴海鮮$187，小食加了個韓式手工芝士波$73，這裡份量十足，幾個人吃絕對足夠！最先上枱就係個韓式手工芝士波，外面炸得香脆，內裡就道滿軟滑嘅芝士，小心燙口！跟住就係份蜂蜜蒜泥炸雞，每件雞嘅上面都淋滿了蜂蜜同蒜泥，入口香脆之餘還有香濃嘅蒜泥味，喜歡重口味嘅必選！群蟹派對pizza 大大塊，上面放滿了材料，有蟹肉，有大蝦，有濃郁嘅芝士，薄餅燒得好香脆，加埋入口啖啖蟹肉同大蝦，配埋個醬汁入口真係十分好味！另一個漁夫蕃茄燴海鮮，裡面充滿不同海鮮，有藍青口、虎蝦、帶子、魷魚，材料十足新鮮，而脆包配上呢個蕃茄汁入口味道就更佳，香脆之餘吸收了濃郁嘅蕃茄海鮮醬汁，十分好味！今晚在這裡享受到另一番韓式風味！