hoo韓國包車

營業中

休息中

韓國包車，位於尖沙咀厚福街，餐廳設計非常有特色，迷幻燈飾韓式路邊攤座椅，感覺令人置身韓國食路邊攤一樣。餐廳食物選擇非常多，一般韓式傳統食物都有。懷舊烤五花肉，傳統韓式烤肉，份量相當多，五花肉肥瘦適中，連同生菜泡菜一齊食，可減油膩感覺。薯仔煎餅，大量薯仔加入少量蔥，不會太油，煎餅脆脆地，好食。韓式魚糕串，原煲連爐上枱，熱辣辣秋冬天食一流。湯底相當清甜，魚糕串味道正宗，份量多，煲內仲有魚蛋蘿蔔等，相當抵食。