Pizza Maru (已結業)

聽講呢間餐廳係韓國菜加西餐嘅fusion，心裡覺得幾特別，所以今晚就黎試下佢。首先黎嘅係韓式炸雞，黎到嘅時候，拎上手真係仲好熱，係辣手個種。食落亦都好香口，肉質唔太鞋，調味亦適中。不過部位黎講，有一舊下脾，一隻雞翼，同埋四舊雞柳。個人貪心啲嘅想法，當然係想多啲雞髀同埋雞翼啦。另外仲有一個 Pizza。食落幾甜甜酸酸，都幾開胃。而批邊啲芝心亦到令佢變得唔再討厭。但問題係，批上面芝士同醬汁，令到原本已經好薄嘅批變到濕埋同淋哂，連拎上手都會即刻倒塌。另外，佢嘅用料假蟹柳同埋小嘅蝦仁，唔算精緻。