閔大人 (啟岸) (已結業)

星期一晚同朋友黎到呢間位於啟岸巷子嘅韓式炸雞店，環境佈置走韓風路線食物款式方面，除咗有主打嘅炸雞之外，仲有韓式嘅主食同埋小食。炸醬麵配原味炸雞翼($68)炸醬麵份量都幾多😆醬汁都夠撈成個麵，麵幼身而且掛汁，炸醬味道幾濃，甜甜地👅唔錯~雞翼單骨雞翼，外皮炸得有啲似脆香雞翼😗不過唔辣嘅，肉質都幾滑。小份無骨雞($58)炸雞外皮炸得香脆，肉質唔乾。味道有多款選擇，包括：蒜香、芝士🧀蜂蜜醬油等等。我哋揀咗蜜糖芥末味，芥末味道比較突出，有少少蜂蜜嘅甜味🍯中和左炸雞嘅油膩感，食落冇咁漏👐🏻杏鮑菇($28)杏鮑菇大大條、爽口、幾多汁薯角($38)薯角偏向扁身，幾香薯仔味🥔而且有啲咬口。