生生市場 (永德大廈)

營業中

休息中

灣仔鵝頸橋附近有間主打韓式料理嘅外賣店，集合多款傳統韓國菜式，飯捲、拌飯、湯，餃子、年糕、前菜小食等，價格親民，份量足，另有豬牛雞生食供應。平日日晚上到訪都有唔少客等緊外賣，睇嚟都幾受大家歡迎。人蔘雞湯可以要半隻或全隻，雞煮得好淋，肉骨分離，一咬就散，味道香，下面仲有糯米，搭配白飯，冬天食好暖胃。私心推介辣炒年糕，有辣勁，年糕QQ哋帶咬口，沾滿醬汁超惹味，越食越上癮，十分開胃，令人一試難忘。飯捲口味選擇好多，有肉亦有素，飯夠少，唔會膩，配料豐富，五顏六色，賣相精緻，食落又健康。炒粉絲軟硬度適中，唔會黐住，帶有香氣，份量多，性價比高。炒魚糕薄切，油油哋，當係小食都唔錯。