吉列牛忌廉烏冬專門店 (彌敦道) (已結業)

旺角彌敦道726可以講係新一代嘅美食之塔，上到17樓就係呢間食韓國菜既餐廳。餐廳嘅座位闊落，而且望出窗外景致開陽。環境唔錯。吉列牛定食：有啲似食日本嘢，有麵豉湯，蕃茄仔，一舊豆腐仔。吉列牛放上石板上燒，但係塊板一開始加熱需要一啲時間，頭兩舊都煮得比較耐先至熟。塊吉列牛唔會un,口感幾好，唔算太厚粉，點上醬汁食，味道唔錯。咖喱忌廉烏冬：佢表面上比一層cream包住，其實底下有好多咖喱，撈勻佢食，非常之好味。烏冬彈牙，而且好掛汁，呢個係必點誠意推介。Kobekyu滋味雞翼：由於佢係單骨雞翼，所以食起上來都比較方便。佢表面層粉有啲芝士既味道，味道好濃，如果鐘意重口味 應該唔錯。另外叫咗兩杯飲品 Passion Punch 同蜂蜜菊花蜜 都唔錯。整體而言，個忌廉烏冬做得非常之出色下次一定要再試。