韓閣 (富裕樓) (已結業)

呢排咁凍，最啱就係食啲熱辣辣嘅韓國嘢，之前都嚟過呢間餐廳食，覺得係啲韓國嘢食夠抵食，所以就當朋友嚟慢慢嘆。我哋咁貪心又有選擇困難症，最啱就係揀呢個歡樂盤，入邊都有，最後我哋揀咗韓式牛肉歡樂盤，仲有海鮮煎餅當然唔少得熱辣辣嘅粟米茶同埋奶茶。嗌完之後好快就有侍應哥哥俾咗一個火爐上面就係大大份嘅歡樂盤，熱住食見到佢啱啱滾真係好歡樂。前菜都好好食㗎，保持到一貫嘅韓國味道同水準。有泡菜同埋大豆芽。歡樂盤上面有唔同嘅嘢食，可以唔使揀全部都食得都都幾歡樂㗎😀有滿滿嘅芝士再加埋韓式牛肉入邊仲有韓式年糕，熱住等啲芝士溶晒撈埋落去真係好好食，冬天利是簡直一流。海鮮煎餅，上面有好多海鮮，有鮮蝦，跟住仲有魷魚鬚，加沙律醬同埋秘製嘅醬汁，個醬汁酸酸哋應該落咗醋，夠晒開胃食落有兩種滋味。粟米茶就每一啖都係健康嘅感覺。