影片
更多
2025-03-28
1375 瀏覽
上個週末去咗中環食午餐。呢間韓國過江龍炸豬扒店喺首爾有超過80間分店，香港店開喺蘇豪區，位置搭中環半山扶手梯上去都幾方便。我哋點咗1號餐「特級吉列豬扒定食」同6號餐「芝士&吉列豬柳套餐」，整體體驗真係超出預期，尤其係服務同食物質素，值得一讚！雖然係晏晝時段，要等位，但有個職員真係好細心，見我同阿B企咗一陣，佢即刻拎咗張凳俾我坐，好貼心。等到入座之後，佢仲有特意提醒隔離枱嘅客人小心啲，唔好撞到小朋友。對於帶小朋友出街食飯嘅美味子黎講，真係好加分！講到食物，1號餐「特級吉列豬扒定食」真係無得輸。豬扒用咗韓國直送嘅特級豬肉，外層炸得金黃酥脆，入面肉質嫩滑多汁，咬落去有陣陣肉香，完全唔乾柴。配料方面有胡麻醬沙律、白飯加鵪鶉煎蛋、冷麵同韓式泡菜，每樣份量細細但夠精緻，仲可以免費添食，對於胃口唔同嘅一家人黎講好貼心。我同O先生都覺得配搭松露鹽同檸檬汁食，味道更突出，清新又唔膩。6號餐「芝士&吉列豬柳套餐」就係我同囡囡嘅心頭好！吉列豬柳本身已經炸得夠脆，肉質軟腍無筋，入口有濃濃嘅豬肉香。但最正係嗰層水牛芝士，熔得剛剛好，趁熱食有拉絲效果，邪惡得來好滿足。配菜同1號餐一樣豐富，特別一提嗰碗冷麵，清爽酸
上個週末去咗中環食午餐。呢間韓國過江龍炸豬扒店喺首爾有超過80間分店，香港店開喺蘇豪區，位置搭中環半山扶手梯上去都幾方便。我哋點咗1號餐「特級吉列豬扒定食」同6號餐「芝士&吉列豬柳套餐」，整體體驗真係超出預期，尤其係服務同食物質素，值得一讚！雖然係晏晝時段，要等位，但有個職員真係好細心，見我同阿B企咗一陣，佢即刻拎咗張凳俾我坐，好貼心。等到入座之後，佢仲有特意提醒隔離枱嘅客人小心啲，唔好撞到小朋友。對於帶小朋友出街食飯嘅美味子黎講，真係好加分！
講到食物，1號餐「特級吉列豬扒定食」真係無得輸。豬扒用咗韓國直送嘅特級豬肉，外層炸得金黃酥脆，入面肉質嫩滑多汁，咬落去有陣陣肉香，完全唔乾柴。配料方面有胡麻醬沙律、白飯加鵪鶉煎蛋、冷麵同韓式泡菜，每樣份量細細但夠精緻，仲可以免費添食，對於胃口唔同嘅一家人黎講好貼心。我同O先生都覺得配搭松露鹽同檸檬汁食，味道更突出，清新又唔膩。
6號餐「芝士&吉列豬柳套餐」就係我同囡囡嘅心頭好！吉列豬柳本身已經炸得夠脆，肉質軟腍無筋，入口有濃濃嘅豬肉香。但最正係嗰層水牛芝士，熔得剛剛好，趁熱食有拉絲效果，邪惡得來好滿足。配菜同1號餐一樣豐富，特別一提嗰碗冷麵，清爽酸甜，我仲食咗兩碗！
整體黎講，Kyung Yang Katsu嘅食物質素同服務真係令人印象深刻。雖然價錢唔算平，但份量足、用料靚，加上職員嘅細心服務，覺得好值。帶小朋友去食飯有時會擔心亂同嘈，但今次嘅體驗真係好舒服，下次一定會再encore！
張貼
