影片
更多
2025-04-03
142 瀏覽
今日約咗舊同事食飯，去咗佐敦一間新開嘅韓國料理「SUN HARU」，餐廳而家做緊新張優惠全單九折👍🏻呢度嘅二人餐非常抵食，人均只係百零蚊，套餐包括炸雞、兩款主食同兩杯飲品，我地嗌咗個二人餐再加兩款食物，人均都唔超過$200，性價比高👍🏻原味炸雞必食👍🏻套裝包括半隻無骨炸雞，我地揀咗原味，雞皮炸得酥脆香口，入口鬆化脆卜卜，雞肉嫩滑juicy啖啖肉，份量足一份已經有十多件，絕對物超所值😋辣豬肉炒粉絲炒粉絲可以揀牛或豬，同事仔唔食牛所以就揀咗辣豬肉，豬肉係肥瘦相間嘅豚腩片仲帶有脆骨部份，已經預先調味，食落辣辣地，炒粉絲口感煙煙韌韌，加上椰菜同紅蘿蔔絲口感更加豐富傳統雜錦紫菜包飯飯卷裏面加入多款食材，有青瓜、紅蘿蔔、雞蛋、火腿同蘿蔔乾，多重口感，爽脆清新，正宗韓國風味😋芝士泡菜煎餅推介👍🏻泡菜餅兩面煎香，外脆內軟，質感軟熟味道酸酸辣辣，上面鋪滿一層芝士，芝士呈半溶狀態，入口除咗能夠感受到芝士濃郁嘅香味，亦感受到泡菜酸爽嘅口感，比一般泡菜餅更加好食👍🏻軟滑豆腐海鮮湯即叫即制上枱時仲滾緊架，裏面加入咗多種不同嘅海鮮，有鮮蝦、魷魚圈、青口、蜆肉、雞蛋、洋蔥、翠玉瓜同泡菜，當然唔少得嫩豆腐啦😆豆腐入口
原味炸雞
必食👍🏻套裝包括半隻無骨炸雞，我地揀咗原味，雞皮炸得酥脆香口，入口鬆化脆卜卜，雞肉嫩滑juicy啖啖肉，份量足一份已經有十多件，絕對物超所值😋
辣豬肉炒粉絲
炒粉絲可以揀牛或豬，同事仔唔食牛所以就揀咗辣豬肉，豬肉係肥瘦相間嘅豚腩片仲帶有脆骨部份，已經預先調味，食落辣辣地，炒粉絲口感煙煙韌韌，加上椰菜同紅蘿蔔絲口感更加豐富
傳統雜錦紫菜包飯
飯卷裏面加入多款食材，有青瓜、紅蘿蔔、雞蛋、火腿同蘿蔔乾，多重口感，爽脆清新，正宗韓國風味😋
芝士泡菜煎餅
推介👍🏻泡菜餅兩面煎香，外脆內軟，質感軟熟味道酸酸辣辣，上面鋪滿一層芝士，芝士呈半溶狀態，入口除咗能夠感受到芝士濃郁嘅香味，亦感受到泡菜酸爽嘅口感，比一般泡菜餅更加好食👍🏻
軟滑豆腐海鮮湯
即叫即制上枱時仲滾緊架，裏面加入咗多種不同嘅海鮮，有鮮蝦、魷魚圈、青口、蜆肉、雞蛋、洋蔥、翠玉瓜同泡菜，當然唔少得嫩豆腐啦😆豆腐入口直滑喉嚨，酸爽鮮辣刺激味蕾，咁凍嘅天氣飲返一碗熱騰騰嘅豆腐湯，即刻暖笠笠😌
蜂蜜紅棗茶
裏面加入咗粒粒嘅紅棗肉，再配上潤喉嘅蜂蜜，滋潤又養顏，女仔飲返杯就最適合不過😌
📍SUN HARU (佐敦)
佐敦白加士街83號地舖
人均消費：$100-200
食物：⭐️⭐️⭐️⭐️⭐️
環境：⭐️⭐️⭐️⭐️
服務：⭐️⭐️⭐️⭐️⭐️
回頭率：⭐️⭐️⭐️⭐️⭐️
張貼
