影片
開飯介紹
定價相宜的韓國菜餐廳，招牌炸雞有數款口味，另亦提供飯麵等主食及香口小吃；另外以卡通版韓國料理主題牆畫作裝飾，予人年輕的感覺。
繼續閱讀
營業時間
今日營業
10:30 - 21:00
星期一至日
10:30 - 21:00
公眾假期
10:30 - 21:00
公眾假期前夕
10:30 - 21:00
以上資料只供參考, 請與餐廳確認詳情
有關獎賞計劃
相關文章
近期追緊韓劇朴寶英嘅「未知的首爾」，突然想起好似都好一段時間無食過韓國菜，所以，今晚約咗老友聚餐，就選咗韓國菜。晌網上搵搵，就相中位於「佐敦」嘅「Sun Haru」，因為有啲抵食夾大件嘅二人餐。其實，晌成條「白加士街」都有好多餐廳，競爭都幾激烈，留得低嘅就有番咁上下實力。小店唔大，一字長形直入，最吸晴就喺每幅牆上嘅彩繪，好韓風，整體環境整潔企理。而餐具、紙巾都放晒晌枱面，並有冚住，唔會食塵，感覺會比較衛。除咗一大堆散點菜式，仲提供好多款一人餐、二人餐、四人餐……等等，而且，定價親民，有啲計起嚟抵過去快餐店食。啲侍應服務好，又有禮，卻唔收加一添。用二維碼落單，唔使多講，大家都好熟用。但值得一提，喺我哋打算點個平平哋嘅二人套餐$228，包兩杯飲品、半隻炸雞、炒粉絲同紫菜包飯，入到點餐版面竟然只賣$178，真有驚喜。泡菜、大豆芽食韓國菜其中一大特色，就喺餐前必奉送韓式前菜，今回有傳統嘅泡菜同大豆芽，講真，都好少見到啲韓國餐廳嘅前菜會做得差，作為食每道菜嘅過場就最好不過。凍蜂蜜檸檬茶 +$5餐飲方面，老友喜歡飲檸茶，就揀咗呢款加入蜂蜜嘅，自己飲落再清潤啲，佢話難得個茶底亦沖泡得唔失禮，啲檸檬又無澀味，清新解膩。芒果乳酸梳打 +$8小弟就想試試啲特飲，芒果口味喺我嘅「飛弗」。大大杯梳打，加入芒果糖漿同亂酸，入口寧舍酸爽，襯晒今晚啲濃味嘢。順帶一提，呢度啲飲品晌冰量同甜度都有得揀，具彈性。傳統雜錦紫菜包飯（套餐）韓國嘅紫菜包飯跟日式嘅壽司卷好唔同，雖然外觀類似，但唔會好似日式咁搞咁多花款，好似呢款咁傳統，就捲住青瓜、煎蛋、黃蘿蔔、甘筍、雞肉同牛蒡，口感清爽，味道清新帶少少麻油香，而且，感覺好健康。烤牛肉韓國炒粉絲（套餐）以往，會覺得嚟食炒粉絲，唔喺嘛！不過，自從睇過韓國綜藝「尹食堂2」，對韓國炒粉絲情有獨鍾。當然，佢哋嘅粉絲同我哋嘅粉絲好唔同，粗身好多，煙韌好多。加埋啲洋蔥、甘筍絲、牛肉一齊炒，又落咗唔少香油，牛肉入味又嫩口，粉絲煙煙韌韌索滿汁，好食。亞之媽炸雞（套餐）炸雞除原味，仲有甜辣、蜂蜜芥末、牛油蜜糖同芝士味，而蜂蜜芥末喺小弟最心水。標明半隻，真喺無呃秤，睇見咁大盤就知份量足，一身金黃，甚為吸引。趁上枱仲熱焫焫就先試為快，咬落外層脆卜卜，沾滿蜂蜜芥末，味道突出，加上無骨，啖啖肉，肉質都幾嫩滑，真喺一嚿接一嚿。伴菜仲有啲青瓜絲同醃白蘿蔔，作為間場就最啱喇。芝士海鮮煎蔥餅 $98整個套餐嘅菜式都好食，就追加多一份韓式煎餅，有芝士，有海鮮，呢款煎蔥餅就最得我心。不得不讚個煎餅煎得香口，裡面有好多海鮮餡料，加埋面頭大量芝士，食落去餅身軟糯，口感豐富，又帶少少蔥香，確喺做得有水準。今餐真喺好豐富，除咗套餐勁抵之外，其他菜式都唔貴，而且，整晚嘅招呼唔錯，上菜又快，值得再嚟。
繼續閱讀
今次係透過OpenRice平台訂位，埋單有八五折，叫咗兩樣嘢：亞之媽無骨炸雞半隻（甜辣味和原味）$88和紫菜包飯便當拼蛋卷$72。餐廳是小店，地方細細，目測若能容納20位食客，坐得比較逼。甫坐下，便送上2小碟泡菜，味道可以。食物方面，紫菜包飯的飯沒有味道，紫菜亦沒有麻油香，其他食物如：蛋卷和牛肉便屬中規中矩。至於炸雞方面，調味夠入味，味道不錯，唯欠缺韓式炸雞的精髓：皮脆、肉汁多。埋單加個八五折，晚餐$136的價錢，食飽2個成年人，再加上食物整體表現是可以的，性價比算不錯。
繼續閱讀
今日係佐敦食lunch，見到有間韓國菜小店好多人排隊，好似幾抵食就決定入去試吓估唔到小店都有免費前菜食，有泡菜同芽菜，兩款都幾出色軟滑海鮮豆腐湯跟飯 $62海鮮份量十分多，有蝦、鮮魷，蜆肉同青口，豆腐都好滑，湯底好正用黎做湯飯一流五花腩配肥牛辛辣麵 $60五花腩同肥牛份量多同埋好入味，呢個麵自家調配既湯底唔會好辣，仲有d翠肉瓜好清甜韓國餃子 $28餃子大大隻，新鮮炸起熱辣辣午餐都配有汽水或者韓國飲品，好多選擇
繼續閱讀
佐敦白加士街一向多食肆，在附近出完街順道食飯十分方便。是晚去了家韓國餐廳 Sun Haru，店員推介二人餐。半份炸雞，選了蜜糖風味，表皮香脆，咬下去無骨啖啖肉，伴點醃蘿蔔及沙律菜減低飽滯感，份量兩至三個人食剛好。雜錦紫菜包飯，有火腿、蛋捲、甘荀、黃蘿蔔、青瓜等，家庭式自家製，用料豐富。豬肉炒粉絲，惹咪夠鑊氣卻又不太油膩。另外追加了紫菜絲粉卷，外層紫菜炸得酥脆，內裡包著粉絲，多重口感。二人餐還包飲品，來杯梳打消暑一流。
繼續閱讀
以呢個價錢食到咁高質韓料真心驚喜🇰🇷特別推薦糧尾月去chill味道正宗得嚟有改良過更合港人口味已bookmark做我嘅佐敦飯堂～ 🙌🏻爆CP值二人餐： 🍗亞之媽炸雞半隻揀咗邪惡芝士粉口味🧀外皮脆到咔嚓聲，雞肉嫩滑多汁芝士粉鹹香得嚟唔會膩，仲跟埋酸蘿蔔解膩🍜烤牛肉粉絲粉絲索晒韓式醬汁超入味牛肉份量唔手軟，仲有紅蘿蔔絲同洋蔥增加口感最驚喜係上枱時熱辣辣！🍙傳統雜錦紫菜包飯餡料多到瀉！午餐肉+蛋絲+醃蘿蔔+青瓜等米飯用麻油調味，紫菜夠脆身，一份有成10件夠晒飽肚😌藍天乳酸梳打🩵賣相超IGable！忌廉鮮奶撞梳打好特別，甜度剛好仲有淡淡乳酸香
繼續閱讀