Bingo & Cook (京都廣場)

營業中

休息中

餐廳嘅裝修就好似將韓國大排檔原汁原味搬咗過嚟，聽聞老闆係韓國人，難怪都話呢度嘅韓料正宗啦👏【韓式燉排骨🥩】分量大到誇張，成個骨架架起身上面鋪滿蔥絲同豆芽，每塊排骨都燉得軟爛，輕輕一夾就直接骨肉脫離！我就最鍾意嗦骨頭上嘅肉，帶住滴膠質，口感豐富又有嚼勁😋個湯汁係靈魂所在，咸香微辣，味道調配得啱啱好，排骨完全吸收曬湯汁嘅精華，越食越上癮！😍【醬油蟹🦀】必試招牌！！蟹膏同蟹肉都特別鮮甜，蟹蓋入面仲有好多膏，金黃色嘅蟹膏看起來就好誘人🤤韓式醬油嘅味道香甜同蟹膏、蟹肉搭配得天衣無縫~將蟹膏同醬油再配上紫菜、芝麻撈埋啖飯一齊食，嗰種豐富嘅口感真系難以言喻👍【海鮮蔥餅🦑】唔會食到啖啖麵粉嘅感覺，超足料！裡面鋪滿咗蔥絲、甜椒，還有好多魷魚，口感豐富又美味😝【蒜香醬油炸雞+香腸年糕串🍗 】無骨雞肉超大件，一啖咬落去超有滿足感😍雞皮炸得非常酥脆但係裡面嘅雞肉又嫩滑多汁，蒜香醬油嘅味道濃郁，鹹香中帶著一絲甜味香腸年糕串🍢香腸外層香脆，咬落去仲識“爆汁”！！年糕煙煙韌韌，再裹上甜辣醬汁，酸酸甜甜又帶點辣，味道平衡得好好【特製紫菜包飯🍙】米飯軟硬適中粒粒分明，內餡有火腿、黃瓜、蘿蔔，仲有香噴噴嘅肉鬆，口感超豐富