靠得住粥麵小館 (形點 II)

營業中

休息中

前菜有醃羅白，好有心機排成一個井型，手拍青瓜清脆爽口，蒜味十足！胡椒豬肚湯（4人）好足夠，胡椒辣度十足，豬肚排骨新鮮。冬天飲完成個身都暖笠笠～白灼薑蔥珍珠蠔，珍珠蠔每粒都脹卜卜，底下鋪咗芽菜花生配埋魚露好香口，作為餐前菜一流。奶油金沙海中蝦，一份有6隻，每隻蝦都被咸蛋黃包裹住。叫咗半隻馳名東江鹽焗雞，雞面撒咗少少沙薑粉，雞肉醃得岩岩好，皮脆肉嫩。魚湯海味粉絲雜菜湯，好豐富除咗雜菜之外，仲有蝦乾，魷魚同埋淡菜，湯底都好鮮甜，值得一讚！心肝寶貝粥，靠得住嘅招牌粥，豬潤厚身但唔會鞋口，帶子鮮甜爽口，粥底夠哂綿，果然必叫招牌～