影片
更多
2023-07-03
1497 瀏覽
呢間在我「想食」的餐廳list放咗好耐，趁著假期無book到位，大約5點半就走上去walkin試試。始終第一次到訪，所以點菜大多數都以廚師推介為主。首先上枱時就是餐廳最熱門推介 － 傳統烏克蘭羅宋湯$78。建議首次品嚐烏克蘭風味的羅宋湯時，一定要將我哋食開的港式羅宋湯味道拋開，不要做比較，因為兩款羅宋湯做法上確有不同。烏克蘭羅宋湯偏向以紅菜頭做主角，所以整體味道無港式咁著重番茄同酸味，而且湯料比港式豐富，有豬軟骨、薯仔等等，好正。招牌芝士焗牛脷盅 $108賣相開頭好似酥皮湯，但上碟後，侍應將蓋在上面的酥餅拎起放在碟上，並將酥餅切開，指示我哋邊沾芝士邊食酥餅。盅內的牛脷一粒粒切得厚厚的，連同沾上芝士汁的酥餅，牛味比起平日日式燒薄切牛脷更加濃郁，酥餅亦香脆無比，特別喜歡食物分量偏少，因為芝士汁頗膩，正常分量的話應該試唔到其他菜式了。古法宮廷焙鹿肉 $268菜式賣相好似燉牛肉咁，肉類同配料都似乎經燉煮了一段時間以致好腍、好入味的樣子。都啱，始終鹿肉同牛肉同樣屬於紅肉，烹調起來應該差不多，外形、味道、口感亦見相似。如果問鹿肉味道係點，其實我不太食得出，而且菜式所用的醬汁偏濃味，亦帶點微酸，這種
傳統烏克蘭羅宋湯
13 瀏覽
0 讚好
0 留言
始終第一次到訪，所以點菜大多數都以廚師推介為主。首先上枱時就是餐廳最熱門推介 － 傳統烏克蘭羅宋湯$78。建議首次品嚐烏克蘭風味的羅宋湯時，一定要將我哋食開的港式羅宋湯味道拋開，不要做比較，因為兩款羅宋湯做法上確有不同。烏克蘭羅宋湯偏向以紅菜頭做主角，所以整體味道無港式咁著重番茄同酸味，而且湯料比港式豐富，有豬軟骨、薯仔等等，好正。
招牌芝士焗牛脷盅
24 瀏覽
0 讚好
0 留言
招牌芝士焗牛脷盅 $108
賣相開頭好似酥皮湯，但上碟後，侍應將蓋在上面的酥餅拎起放在碟上，並將酥餅切開，指示我哋邊沾芝士邊食酥餅。盅內的牛脷一粒粒切得厚厚的，連同沾上芝士汁的酥餅，牛味比起平日日式燒薄切牛脷更加濃郁，酥餅亦香脆無比，特別喜歡食物分量偏少，因為芝士汁頗膩，正常分量的話應該試唔到其他菜式了。
古法宮廷焙鹿肉
29 瀏覽
0 讚好
0 留言
古法宮廷焙鹿肉 $268
菜式賣相好似燉牛肉咁，肉類同配料都似乎經燉煮了一段時間以致好腍、好入味的樣子。都啱，始終鹿肉同牛肉同樣屬於紅肉，烹調起來應該差不多，外形、味道、口感亦見相似。如果問鹿肉味道係點，其實我不太食得出，而且菜式所用的醬汁偏濃味，亦帶點微酸，這種微酸能解肉類的油膩，亦感覺越食越開胃添！
古法香燒豬肋骨
32 瀏覽
0 讚好
0 留言
古法香燒豬肋骨 $198
一上枱，侍應就在豬肋骨上面淋上酒精並開火，造成火焰效果，除咗視覺上好睇兼可以打卡之外，酒精亦能一解豬肋骨的油膩。味道其實都不錯，不過我哋已食過古法宮廷焙鹿肉，兩款感覺相似的菜式之下，呢道菜在味道上就顯得不太有驚喜。
烏克蘭風味蜂蜜蛋糕
21 瀏覽
0 讚好
0 留言
烏克蘭風味蜂蜜蛋糕（開心果口味） $88
好似木槺蛋糕，軟綿綿的蜂蜜蛋糕配以開心果味忌廉，甜度適中，開心果味無得輸！建議一定要留肚試甜品。
門口有個笑容可掬的男人公仔企喺度歡迎你，旁邊仲有好多「支持烏克蘭」memo紙添。一走入餐廳，睇到牆身、擺設等等充滿鮮紅色彩，就不期然感受到烏克蘭人開心慶祝的氣氛呢！
而家只要你喺Google 搵到餐廳，並在Reviews留下評價，即可免費得到 vodka一杯！款式不時轉換，今晚我哋試嘅係Cristall original及lemon，純vodka的味道好辛辣，酒精直接蔓延至整個食道，後勁凌厲。
張貼
