影片
更多
2022-03-21
356 瀏覽
原本想訂另一間海景餐廳，打過去已經fully booked，抱住試下嘅心態book咗呢間。有上網做功課，發覺介紹呢間餐廳下午茶嘅好多，lunch就少到幾乎冇。當日去到先發現，原本想去嘅餐廳就喺正對面。講返餐廳本身，環境優雅，裝修係簡約得嚟有小小歐式detail，我地嚟得早可以揀到望海窗口位。waiter好有禮貌，我地點set lunch嘅時候有提出問題都可以耐心詳細解答。點完餐上麵包速度快，用餐期間每食完一道菜都會及時換新碟同加水。個人有小小潔癖，會想由始至終用返同一隻碟，不過我諗呢個service係好嘅，務求令食客每道菜都食到餸菜本身嘅味道，而唔受其他因素影響。開胃菜我地分別加錢點咗吞拿魚他他同鵝肝，兩樣都非常之好食，用牛肉他他嘅口感嚟品嚐拖羅都係第一次，冷盤鵝肝好smooth，搭配水果清爽唔膩。主菜我地要咗慢煮三文魚天使麵同大蝦意粉，首先大蝦嗰個係好食嘅，不過屬於正常水準，但碟上面嗰兩塊燒過嘅羽衣甘藍令我非常欣賞，因為佢唔似一啲普通餐廳咁放車厘茄同沙律菜hea人，相反用上特別食材會令人感到廚師嘅用心！跟住重頭戲就係個慢煮三文魚天使麵，其實嗌嗰時好驚係伏，因為喺其他意大利餐廳食過唔好
講返餐廳本身，環境優雅，裝修係簡約得嚟有小小歐式detail，我地嚟得早可以揀到望海窗口位。waiter好有禮貌，我地點set lunch嘅時候有提出問題都可以耐心詳細解答。點完餐上麵包速度快，用餐期間每食完一道菜都會及時換新碟同加水。個人有小小潔癖，會想由始至終用返同一隻碟，不過我諗呢個service係好嘅，務求令食客每道菜都食到餸菜本身嘅味道，而唔受其他因素影響。
開胃菜我地分別加錢點咗吞拿魚他他同鵝肝，兩樣都非常之好食，用牛肉他他嘅口感嚟品嚐拖羅都係第一次，冷盤鵝肝好smooth，搭配水果清爽唔膩。
主菜我地要咗慢煮三文魚天使麵同大蝦意粉，首先大蝦嗰個係好食嘅，不過屬於正常水準，但碟上面嗰兩塊燒過嘅羽衣甘藍令我非常欣賞，因為佢唔似一啲普通餐廳咁放車厘茄同沙律菜hea人，相反用上特別食材會令人感到廚師嘅用心！跟住重頭戲就係個慢煮三文魚天使麵，其實嗌嗰時好驚係伏，因為喺其他意大利餐廳食過唔好令我對呢個天使麵有小小陰影，但呢個反而成為當日最大嘅驚喜！三文魚好滑，入口即溶嘅感覺！成個醬汁調得啱啱好，酸酸辣辣非常開胃，令我對天使麵改觀！食完仲有意猶未盡嘅感覺…最後個甜品係雪糕，就正常收尾。
係啦，講返價錢，人均$450嘅set lunch，散叫會貴小小，但望住個海，覺得係👌
呢度比我好好嘅用餐體驗，下次都會想再嚟😄
張貼