NINETYs (K11購物藝術館) (已結業)

近排都係尖沙咀返工,平時收工都鍾意同啲同事周圍食下飯,近排都好鍾意幫襯呢間餐廳無論價錢，食物質素都非常好，所以喺度推介一下。Ninety’s (k 11 Artmall)餐廳主打西餐,有咖啡牛角包供應,可以坐喺度食啲嘢休息吓其實都幾吸引，加上餐廳地方正正係K11商場地下，真係好就腳。環境方面餐廳中間有棵樹，望落去好似去咗大自然咁，喺度食嘢有一種好舒適嘅感覺。Boston Lobster Salsa 228 元，龍蝦沙律非常吸引，大大隻龍蝦上面鋪滿新鮮嘅蔬果，蔬果上面仲有少少香料點綴，望落去顏色已經好吸引，入口味道好鮮甜，龍蝦肉同沙律已經混為一體，肉質口感爽口彈牙鮮味十足，仲有一點點清新嘅蔬果味道，整體味道配搭得啱啱好，完全將龍蝦嘅鮮味提升一個層次。Grilled Australian lamb chump cap 218元，羊扒份量都好多，入口肉質好鮮嫩，羊肉一啲都唔會羶，羊扒火候控制得啱啱好，入口非常嫩淋。配搭埋上邊嘅蔬果酸酸甜甜，令到羊肉味更加突出，呢個羊扒真係好值得推介，食到停唔到口。