影片
更多
2015-01-15
7133 瀏覽
2015年1月10日日本男友同佢父母一齊黎香港跟我家兩老見面，我做足資料搜集後決定去尖沙咀凱悅軒食晚飯。因為之前訂左檯，所以我地一行八人浩浩蕩蕩準時到達位於酒店3樓的中菜廳。服務員面帶笑容引領我地入座，餐廳的樓底都幾高，即使餐廳面積唔算好大都唔會覺得好焗促。餐廳燈光暗暗地，感覺上都幾溫暖同有情調。餐廳Captain推介我地食8人Set，不過個價錢都幾高，所以我地都決定點a la carte就好啦。我地叫左北京片皮鴨﹑蜜汁叉燒﹑腐皮卷﹑八味豆腐﹑琵琶豆腐﹑荷葉飯﹑蒸茄子同埋浸芥蘭。 以下幾個菜色都值得試下。蜜汁叉燒的肉質都幾軟，叉燒中間呈嫩紅色，外面掛上香甜暖蜜糖，不過個人認為味道咸左少少。一碟叉燒的份量都幾足夠，我地八個人每人都吃到2至3件，整體上都好好味 ^^蒸茄子就最深得我男友爸爸歡心。貌似平平無奇的茄子上淋上炒蒜蓉醬汁，蒜蓉味唔會好強，甜甜地，同茄子幾夾。平時食野都幾清淡的男友爸爸都一口接一口食唔停，我知道佢鍾意就好喇 ^^腐皮卷係素食，入面有野菌有雜菜。咬落去外皮脆卜卜，中間的餡料好夠味，我自己就好鍾意。如果一碟份量可以多少少就好喇，印象中好似得6件左右。八味豆腐！香港同日本代
日本男友同佢父母一齊黎香港跟我家兩老見面，我做足資料搜集後決定去尖沙咀凱悅軒食晚飯。因為之前訂左檯，所以我地一行八人浩浩蕩蕩準時到達位於酒店3樓的中菜廳。
服務員面帶笑容引領我地入座，餐廳的樓底都幾高，即使餐廳面積唔算好大都唔會覺得好焗促。餐廳燈光暗暗地，感覺上都幾溫暖同有情調。
餐廳Captain推介我地食8人Set，不過個價錢都幾高，所以我地都決定點a la carte就好啦。我地叫左北京片皮鴨﹑蜜汁叉燒﹑腐皮卷﹑八味豆腐﹑琵琶豆腐﹑荷葉飯﹑蒸茄子同埋浸芥蘭。 以下幾個菜色都值得試下。
蜜汁叉燒的肉質都幾軟，叉燒中間呈嫩紅色，外面掛上香甜暖蜜糖，不過個人認為味道咸左少少。一碟叉燒的份量都幾足夠，我地八個人每人都吃到2至3件，整體上都好好味 ^^
蒸茄子就最深得我男友爸爸歡心。貌似平平無奇的茄子上淋上炒蒜蓉醬汁，蒜蓉味唔會好強，甜甜地，同茄子幾夾。平時食野都幾清淡的男友爸爸都一口接一口食唔停，我知道佢鍾意就好喇 ^^
腐皮卷係素食，入面有野菌有雜菜。咬落去外皮脆卜卜，中間的餡料好夠味，我自己就好鍾意。如果一碟份量可以多少少就好喇，印象中好似得6件左右。
八味豆腐！香港同日本代表都大力推薦﹗ 一大兜細細粒的豆腐被酥炸過，外脆內軟，外層有惹味的味粉，又唔咸，咬落去好熱，食完一粒又一粒，我地個個都俾佢10粒星星^^
另外一個亮點就係隻片皮鴨，服務員即席片皮，刀劃落去鴨皮的時候發出脆脆聲音，有好好的視聽效果。整體味道唔錯，唔油膩，麵皮有兩籠，我地每人平均都食左2至3件。我男友就話最鍾意片皮鴨，話個醬好好喎^^
因為我好鍾意豆製品，所以琵琶豆腐都好合我口味。每一件都好似兩隻麻雀咁大，豆腐軟綿綿，中間仲混左好似帶子肉，清清地幾好味。
如果想一家人食餐好少少又唔想太傷荷包的話，我個人認為凱悅軒都係唔錯的選擇。當然最緊要係同心愛的人一齊，即使係簡簡單單的食物都會變得美味無比啦 ^^
張貼
