越瀧棧

營業中

休息中

粉嶺聯和墟越瀧棧係一間好正嘅越南茶餐廳，我已經幫襯多次。今晚放工再encore 。今晚我同朋友揀左3個餸，包括黃金香辣蝦，辣椒膏炒花甲同泰式咸肉炒時菜，兩杯飲品咸檸梳打同龍眼冰。黃金香辣蝦好香，非常多咸蛋，d蝦炸得好香口，連埋d咸蛋一齊好入味，而且好大碟都係百零蚊，好扺好正。辣椒膏炒花甲好大隻，而且完全冇沙同好新鮮，非常之鮮味，配合埋d辣椒膏真係絶配。泰式咸肉炒時菜真有驚喜，裡面有5款菜式，包括通菜，西蘭花，生菜，椰菜花同芥蘭，真心估唔到有咁多款，而且味道都係非常野味同大碟，正。配合埋2杯飲品，非常之完美嘅一個晚餐。