漁獲浜燒 (已結業)

今日黎左呢間係銅鑼灣既浜燒餐廳，闊綽一下。首先黎個特製黑松露炙燒平目魚邊沙律。黑松露都幾多，同燒過既平目魚味道好配合，加上牛油果同其他蔬菜，好醒胃。浜燒我地揀左金目鯛活貝浜燒盛合。金目鯛燒到岩岩有烤魚既香味，內層依然係鮮嫩魚生，侍應哥哥話條魚係今朝係日本飛黎，非常新鮮，配搭伴碟既少少辣紅蘿蔔蓉，滋味無窮。個魚頭餐廳仲會拎去再炸一炸，炸完之後成個頭都好脆好香，侍應哥哥好好咁提我地要小心魚尾既尖刺位。食到呢度就想飲Ｄ清酒，所以叫左個鈴鹿川純米大吟釀。餐廳有好多款杯畀我地揀，好多都好靚。呢款酒好易入口得黎又唔會好淡，唔錯！再黎有文蛤同北寄貝，都係用左Ｄ清酒黎煮，本身既鮮味都冇流失，有清酒既湯水都好好味。帆立貝既做法有Ｄ唔同，食到有少少牛油既香味，味道比之前既北寄貝同文蛤濃郁Ｄ，仲有多一款係有芝士既，作為浜燒盛合既尾段都幾有飽肚感。意猶未盡，再叫左個香煎蒜片厚切牛舌。牛舌煎得香得黎又爽口，如果想食多Ｄ味道，可以點下佢地既醬汁，有辣味噌同柚子醬等，我建議食牛可以點下，但食海鮮就唔使，因為偏濃味會食唔返原本海解鮮既鮮甜味。