Paper Moon

營業中

休息中

從未遇過咁差嘅服務態度，一個星期前已經喺openrice訂咗位，當日打去confirm多次，同時說明係慶祝生日，想問下有冇窗邊位。電話入面位職員話，個booking已經confirm係窗邊位。到夜晚去到嘅時候，我book 6點，我6點正去到到，佢哋安排左一張又唔係窗邊，又細，同左右兩邊隔離枱隔開半尺都無嘅枱比我哋。我立即提出我confirm booking時餐廳同事已經confirm係比窗邊位我哋。員工A話幫我哋睇睇，可惜一去無回頭。我哋再問另一位貌似經理員工B，不過結果都係一樣！話睇睇就唔見咗人。最後再問多次，隔咗幾分鐘，貌似經理員工B過嚟，用一個好差嘅態度問「係咪要窗口位？」結果帶咗我哋出去戶外位！仲話呢度咪窗邊囉！真係未見過咁痴線嘅服務態度！仲衰過茶餐廳。一間所謂嘅高級餐廳，養住班咁嘅員工，真係幫自己倒米。最後我過咗對面天穴食，態度一流，食物一流，環境一流。好彩留低繼續受住氣咁食。