蘇杭冰室

營業中

休息中

入座時間13:55左右，相信已經過咗最繁忙嘅午飯時間，唔使等位就入得，嘢食大概14:05左右嚟曬，我哋食得算快，大約14:25就食完，4位淨返兩杯嘢飲，一杯滿，一杯飲淨一半，個店員講咗句：出邊有人等緊位，飲完杯嘢就麻煩快啲走啦！我即刻覺得好有問題，我之後講咗句：我哋未飲完嘢喎！之後，店員再講：慢慢飲埋先！點知話口未完，同一個店員又再講：飲埋杯嘢就好交枱啦下！咁我個同事仲有大半杯嘢未飲完，咪叫佢攞個外賣杯，諗住拎走飲囉！點知個店員又話：外賣杯要加$2。我心諗，你又要係咁趕人走，然後人哋又未飲完嘢。個重點係，好多枱人都係早嚟過我哋，叫我哋交枱只係因為我哋食得快！不知所謂！食咗20分鐘就催人交枱，以後都唔會再幫襯！