天空虎嘯

營業中

休息中

上次同朋友嚟呢度食咗佢哋嘅「真阿拉斯加長毛蟹海鮮蒸汽刺身套餐」，食完覺得好回味，就寫咗篇食評介紹畀大家。套餐裡其中包括阿拉斯加長腳蟹，呢個超腳蟹睇落去就好大隻，煮熟過後顏色更加吸引眼球，食 落去蟹肉更加好食，簡直細嫩無比，鮮甜嘅口感，好食到吮手指。跟住龍蝦湯蒸蛋配蟹肉，食落去 散發住濃郁嘅蛋香味，蟹肉鮮美Q彈，有種微微嘅甜味同龍蝦嘅味道，真係正啊。再嚟墨魚滑同蝦滑，咬落去好有嚼勁，鮮味佈滿咗成個口腔，尤其係蝦滑，蝦味更濃厚，十分可口。我哋仲食咗日式京蔥醬油配本地雞，雞肉鮮嫩多汁，醬油提升咗雞肉嘅味道，鹹香味十足，令我哋唔止能嚐到海鮮嘅味道。最後我哋食咗甜品伯爵茶蛋糕，蛋糕有好濃郁嘅伯爵茶味，而且口感非常酥軟，可以話係入口即溶，冇得頂。喺呢度食晚餐真係好享受，套餐入面每種食材都非常新鮮，經過烹調之後又非常好食，服務員又 非常親切，又可以一邊享用美食，一邊欣賞海景，真係一個值得推薦大家嚟嘅餐廳。