醉鍋 (V Point)

營業中

休息中

以前曾經一時風光嘅酒鍋而家變成一壇糟， 非常之失望，究竟發生咗咩事？ 轉咗老闆？ 連水牌， 升降𨋢入面，都冇佢哋呢一層嘅名。係咪啱啱搬咗樓層 ？ 但如果係新搬，啲凳 &梳化又舊又爛同埋爆裂，明顯係非常之舊。 食材有好多都不及水準，聲稱嘅本地肥牛一啲都唔好食(似唔係本地的牛)，啲海鮮啊，大蜆啊 俾得極少量，水魷魚個質素好差。 湯底還可以， 五格湯底都只是玩gimmick (所以冇嗌，嗌咗醉雞鍋底)。 仲有一樣最差最差嘅東西， 就係好似好多食評人都話： 唔知點解佢係都要人哋畀現金， 堂堂正正的一間火鍋店，點可能冇得收信用卡？唔知係咪走緊啲乜嘢法律罅或者想慳返啲信用卡機手續費，就夾硬迫顧客“盡量”要畀現金， 嗰日佢receptionist打嚟同我 confirm booking嘅時候話唔知乜嘢"個visa卡轉緊" 唔知佢講乜，好彩我當時拒絕咗，我話我可能食好大嘅金額，唔方便攞咁多現金喎，冇轉數快喎，跟住佢話 “咁好啦，咁唯有俾信用卡囉。” 咁即係又可以用信用卡嘅？！！ 跟住當晚又真係沒有任何嘅推搪就畀我哋用信用卡，但係我見到隔離嗰枱唔知點解本身佢哋畀咗張信用卡出嚟，跟住伙記退返畀佢