Grill Tajimaya

營業中

休息中

Lunch time同朋友一行七人搵餐廳， 12點去到嘅時候其實餐廳冇咩人諗住喺門口望吓餐牌先決定入唔入去食，畢竟七個人口味比較不同，當時有一位外籍侍應有禮地同我哋介紹緊餐牌，突然之間，有一位銀髮侍應無啦啦行出嚟插嘴，講嘢冇尾音咁樣問我哋「啱唔啱？食唔食？」當時我哋已經覺得有少少奇奇怪怪，但係見佢冇人唔使等位就入去啦入到去餐廳得一兩台客，佢安排咗門口位俾我哋，但係張枱係非常之大，講緊我同對面距離應該大概有80 cm有多，我哋七個人一嚟想近少少方便傾偈，二來亦都想share下唔同嘅食物，所以都有問佢可唔可以坐其他位置，但係佢就聲稱唔得坐唔落咁多個人，但係友人有行過入去睇，其實窗邊嘅位係可以坐到七個人之後介紹Menu嘅時候，同一位侍應嘴臉有一份厭世感，彷彿我哋得罪咗佢阻住佢收工咁樣，非常之冇禮貌最後我哋決定離開，無謂俾錢買難受，亦都無辦法忍受咁冇禮貌。結果我哋離開嘅時候佢仲踢凳。呢一個舉動，令我哋覺得走就係非常正確嘅決定。唔小心影到呢個外籍員工，佢係有禮貌的。