Honbo (已結業)

真係好喜歡呢間餐廳嘅景色，直落大玻璃望住維港一望無際嘅海景，想像得到係中午嘅時候景色會更加漂亮。自己一直都有寫開食評，今餐$500就埋到單，海港城內用膳算係不錯的價位。夜晚的燈光換來更好的格調，燈光柔和。知道呢到最出名嘅係Burger，根據美國一個調查，呢度嘅burger係全球五十佳。我叫左一份Chicken Burger，濃厚嘅醬汁，大份雞扒，包煎得香脆，薯條幼身，新鮮炸起，更脆。之後我叫左呢到嘅招牌 Gold Standard，可以看得出呢一個招牌漢堡包比Chicken Burger有更多層，不論是醬汁、肉亦比較豐富，食落去當然係爆汁啦。飲品方面，我哋叫咗一杯Apple Pie Iced Tea，顧名思義，呢杯茶其實完全係蘋果批嘅味道，但又唔會死甜，反而幾平衡；Lemonade亦然，唔會好酸，同甜度之間亦取得平衡。