中記

營業中

休息中

本身覺得街巿上面啲熟食中心餐廳不錯，但呢間我就覺得認真麻麻，但仍然係坐無虛席……我地2個人叫左個中式牛柳、椒鹽白飯魚、椒絲腐乳炒通菜、一個燒原條茄子同埋一串燒牛舌粒。中式牛柳望落好似樣但食落奇韌無比，完全咬唔開，諗住算啦唔咬成舊放入口𡁻，𡁻左成分鐘都吞唔到，成舊吐出，淨係食左啲汁咋……串燒牛舌粒又係奇韌無比，我以為自己食緊雞腎，又硬又韌又有筋，又係吞唔到吐左，睇黎佢啲牛類唔係好得咁食個燒茄子啦，好香孜然味，好大條熱辣辣，點知食落無乜味，味道同個香味有好大落差，可以加返啲醬油落去燒會有味啲。暫時得椒鹽白飯魚同通菜正常，以後都唔會再去😮‍💨