魚事者 (威德閣)

營業中

休息中

成日覺得炮台山比較少野食，點知原來隱藏左好多小店係後街。呢間魚事者主打魚麵，平時食開既魚麵都好粗好頂胃，但呢道既魚麵好幼好似米線咁，仲有魚麵應有既彈牙。今日試左佢既卜卜蜆魚麵同冬蔭公魚麵，另外加左豬手同魚薯條。魚麵好彈牙，卜卜蜆好甜好香，清清地帶有日式風味。冬蔭公魚麵既冬蔭公味就輕手左，唔太酸唔太辣，配菜亦唔太好味，俾人一種唔係好夠既感覺。小食方面，豬手都唔錯，唔係好脆口但都算多油脂。至於魚’薯條’，佢應該真係用魚麵製作，好有趣既口感，非常彈牙，個醬係’雙子醬’，應該係蟹子同明太子，味道豐富之餘亦好好口感！下次一定要再試下佢個魚飯，應該都會好有趣！