Coti (鴻圖道)

營業中

休息中

觀塘區有好多間cafe,每間都有唔同嘅特色，今日去Dorsett 探朋友，竟然咁偏遠都有一間Cafe，見呢個時間無咩人就入去試試佢。鋪面唔算大，有兩張枱同埋單邊高台，比較適合一個人用餐，好在今日唔算多人，如果唔係就要坐高台。我地點左個烤慢煮豬肋骨飯同蒲燒鰻魚滑蛋返嚟share食。慢煮豬肋骨有驚喜，因為好多時食到嘅都好韌好硬，要好用力咬開佢。唔知係咪慢煮嘅關係，肉質好嫩滑，同埋份量剛剛好，不過如果多少少汁撈埋飯就正啦。本身一向愛食鰻魚，呢個蒲燒鰻魚滑蛋飯無令我失望。鰻魚食落好軟滑，無魚刺同無魚腥味，配上甜甜的鰻魚醬汁，味道唔錯。滑蛋亦炒得岩岩好，有香濃蛋味夠哂滑嫩。點左杯果皮冰糖檸檬冷泡茶，聽侍應講果皮係用咖啡浸，咁特別當然要試下喇！飲落有果皮獨有既回甘香味，又唔太甜，係非一般茶餐廳既檸檬茶，值得一試！朋友話最近好需要甜既感覺，點左杯棉花糖泡泡咖啡，泡泡係一層既cream再加幾粒棉花糖，佢佢話啱晒佢既少女心，因為有朱古力係入面真係好sweet。呢間cafe雖然細，但食物都算多選擇，下次再經過要試下個 cold brew先，今日賣晒有少少失落，唯有再黎啦。