Brick by Brick

營業中

休息中

舖頭好隱閉，細細間，有十幾個位。我估侍應係老闆娘，好用心咁介紹餐牌、菜式，有種家庭小餐館嘅感覺。*秘製馬來西亞咖喱喇沙湯麵 鱻魚三寶 $98咖哩喇沙加入咖喱粉以及椰漿，湯頭未算濃厚，但入口溫醇唔辣，能夠同時飲到咖喱同椰漿味。鱻魚三寶係魚糕、魚餅、魚豆腐，索湯又有咬口。麵條係摻摻，黃麵+米粉，麵質偏韌，唔會浸到太腍。火熱馬拉砂煲肉骨茶 $148肉骨茶用各種藥材熬煮，材料全天然冇味精，味道溫醇甘甜，淡淡都係精華。豬軟骨煲到軟腍入味，帶有淡淡嘅藥材回甘味。配白飯可以當泡飯食😂油炸鬼同手工蒜香米餅炸得略油略硬。