影片
更多
2023-03-28
329 瀏覽
今日去咗鰂魚涌東滙坊嘅醒辰冰@saisons.hk食晚餐。一入去就係覺得好企理，好乾淨，好光猛。餐廳定位介乎茶餐廳與西餐廳之間。晚餐嘅選擇都係類似西餐廳，有扒餐，同埋意粉餐之類，仲有二人套餐。並唔係食公仔麵嗰種茶餐廳。我哋叫咗兩個晚餐：1）香草蒜片烤西班牙極黑豬鞍 伴 薯菜 $1382）烤紐西蘭香草牛柳 伴 薯菜 $128～upgrade 三文魚沙律 +$15～upgrade 龍蝦湯 +$15～加配甜品朱古力心太軟 +$15～加配甜品意大利芝士餅 +$15～凍檸啡 +$3～紅豆冰 +$10兩個主菜都好滿意，絕對超越一般茶餐廳嘅水準，就晚餐來說，價錢幾抵食，因為佢嘅牛扒同埋豬鞍扒都係有質素，唔係梳打粉拿到冇晒味嗰啲。尤其是個豬鞍扒，我真係幾欣賞，伴碟嘅薯仔都好好食。如果驚唔夠飽都可以改配意粉或者飯。頭盤我揀咗三文魚沙律，擺盤好靚，啲沙律菜好新鮮，醬汁亦都啱啱好。龍蝦湯雖然冇龍蝦肉，不過個湯係好飲嘅，有時有啲龍蝦湯太鹹，佢就冇呢個問題。後尾仲加多兩個小食。除咗紅豆冰紅豆唔夠多之外，成餐飯都好滿意，我最滿意就係每一樣嘢都好乾淨，餐具似高級餐廳一樣咁乾淨企理。尤其是個枱面，有時最怕就係茶餐廳啲
一入去就係覺得好企理，好乾淨，好光猛。餐廳定位介乎茶餐廳與西餐廳之間。
晚餐嘅選擇都係類似西餐廳，有扒餐，同埋意粉餐之類，仲有二人套餐。並唔係食公仔麵嗰種茶餐廳。
我哋叫咗兩個晚餐：
1）香草蒜片烤西班牙極黑豬鞍 伴 薯菜 $138
2）烤紐西蘭香草牛柳 伴 薯菜 $128
～upgrade 三文魚沙律 +$15
～upgrade 龍蝦湯 +$15
～加配甜品朱古力心太軟 +$15
～加配甜品意大利芝士餅 +$15
～凍檸啡 +$3
～紅豆冰 +$10
兩個主菜都好滿意，絕對超越一般茶餐廳嘅水準，就晚餐來說，價錢幾抵食，因為佢嘅牛扒同埋豬鞍扒都係有質素，唔係梳打粉拿到冇晒味嗰啲。尤其是個豬鞍扒，我真係幾欣賞，伴碟嘅薯仔都好好食。如果驚唔夠飽都可以改配意粉或者飯。
頭盤我揀咗三文魚沙律，擺盤好靚，啲沙律菜好新鮮，醬汁亦都啱啱好。
龍蝦湯雖然冇龍蝦肉，不過個湯係好飲嘅，有時有啲龍蝦湯太鹹，佢就冇呢個問題。
後尾仲加多兩個小食。
除咗紅豆冰紅豆唔夠多之外，成餐飯都好滿意，我最滿意就係每一樣嘢都好乾淨，餐具似高級餐廳一樣咁乾淨企理。尤其是個枱面，有時最怕就係茶餐廳啲枱面，根本唔夠膽放個電話上去。不過呢間就唔同。
店員仲好細心，唔使問佢都會主動俾一杯滾水你洗餐具，另外再俾兩杯水你飲，隻杯係唔同嘅，唔會撈亂。
希望佢一直保持水準，咁我應該會繼續幫襯。
～～～～～～～～～～～～～～～～～～
餐廳名：醒辰冰室
餐廳地址：鰂魚涌英皇道1010-1056號東匯坊地庫006及012-013號舖
#非一般冰室 ＃鰂魚涌小店 #以前水族館商場嗰度 #dustdustb #hkfoodie #hkfood #香港茶餐廳 #茶餐廳推介 #牛扒
張貼
