西貢海灣會燒烤大王

今日同屋企人入左西貢行下海傍，行行下見到有得BBQ，見個view幾靚又唔係好貴就入左去試下。值得一提係佢不限時任食，性價比好高！成個燒烤場都幾大，可以揀坐露天或者有蓋玻璃屋。玻璃屋可以搞埋婚禮，對出仲有個兒童設施俾小朋友玩添。我就揀左坐玻璃屋望住個海黎燒野食，都咪話唔寫意😆！食物款式都算幾多，有各種肉類、魚、蔬菜、丸、腸同埋蕃薯，食材同飲品都全日無限refill，仲有好多醬料俾你揀添！依個燒烤場有得燒埋海鮮，不過海鮮餐需要加錢3日前預訂，加錢仲會有人燒埋俾你食。總括而言，環境都幾乾淨同寬落，坐得幾舒服，仲可以望住個海景。BBQ食物唔錯，性價比高值得一試。