西貢海灣會燒烤大王

公司team building 揀左去西貢座船兼BBQ,本身睇啲評價都好壞參半，知道好多嘢都唔包，自己已經帶定錫紙、蜜糖同紙巾。同事分批到，第一個入場嘅要用現金買齊人頭入場票。 去到入口守衛森嚴過銀行。無飛連門口都唔比入。首先嘢食唔算好多，中規中矩。飲品選擇少得兩部汽水機。基本可樂雪碧、檸檬茶、橙汁、蘋果汁。每人2隻紙碟同一隻紙杯。但問題係紙碟同碟都好快爛，叉兩叉碟都穿鬼埋。 另有個兜應該係裝蜜糖同牛油，但蜜糖掃要另買。 網同夾又係另外要買。最不可思議係開咪叫全場人收細聲浪，因為太嘈staff 聽唔到電話（果時係完全無細路，其他人正常聲量交談）聽唔到電話要怪啲客唔知係乜logic.唯一係廁所幾乾淨同埋啲星星吊燈幾靚。

今天帶了一位朋友來呢度試吓bbq，看看他有甚麼評價。而我自己幫襯呢度都有大約20年(由無頂蓋，到有頂蓋，再變到现在咁靚)。我們由下午1點半燒到晚上7點半，足足燒了6個小時，又傾計又飲又食，都只係用咗$476(個人認為簡直超值)。今時今日很多地方都有限時，就算無限時，坐耐小小都會比啲職員或老闆眼望望。但在此處bbq完全無此煩惱，感覺很自在。我朋友亦對此處讚口不絕，衛生，環境美麗，食物多樣化，美味。最正係真正的《任飲 任食 不限時》。而我對這處的評價就不用多說了(我都幫襯了20年)我和朋友去取食物時，都會經過收銀處附近，都會同啲職員傾談一吓，他/她們都樂於回應我們。最後，我們離開時，職員們都主動地向我們笑著講多謝和拜拜。好開心的一天bbq就此完結了。

年初七開心去BBQ, 點知一肚氣！比多少少錢泊車，唔緊要，但態度差。入到去，比多啲錢坐海景位，但居然冇得揀。話一係頭位一係尾位，不知所謂，咁樣叫有得揀，態度非常差劣，工作人員話已經比你哋有選擇，仲話佢做咗呢行20幾年，都係咁喎！食物選擇不多，飲品就不在話下，全部係汽水機出，難飲到一個點。如果自己帶海鮮要加每款$300，開瓶費也要每支$300 ，提供番薯，但沒有錫紙供應，當然要俾錢買，鐵絲網也要買，沒有食物夾提供，又要俾錢，入場費也不便宜，態度非常差，唔怪得越嚟越少人去，應該自己反省吓！🙄

Book位時接線生已經非常冇禮貌。入場前要先簡位並full pay入場，入場前要我哋先揀位，但係有部份嘅位置係需要另外加錢。第一次黎唔係好清楚佢嘅位置分佈，一陣間又話近海邊要加$200。海邊位置又有分露天同唔露天。客人自然想望清楚先再決定，佢竟然同我講話唔可以望！現場Staff勁勁勁勁勁勁勁冇禮貌都明白燒烤場有營業時間，佢哋營業時間只係去到夜晚10點，但佢一夠鐘竟然一野包走張枱布咁樣收走晒所有嘢，完全冇理到我哋枱面上有自己嘅私人物品。完全係打仗咁樣，我哋要不停咁樣望枱布上面有冇我哋自己嘅嘢，好驚俾佢一嘢抌咗落垃圾桶。人生第一次感受到呢種服務態度，我都真係唔係好明呢度啲員工同埋老細，佢哋係奉行咩宗旨去開呢間燒烤場。價錢又唔係特別平，成個服務體驗非常之差，奉勸各位千祈唔好再去！

1. 寵物不友善，明明是露天餐廳，竟然說寵物不能入。2. 付款不友善，今時今日竟然仲只限現金，不接受任何電子支付。3. 如果要坐外面位置需要再額外加一個開爐費$100-$200，基本上你要的物品都是需要加錢。3.1 啤酒需要買1打才有冰洞合理，但之後再加冰職員覆不可能，必需要再買1打才可，基本上你要的物品都是需要加錢。4. 斟嘢飲多拎一個杯入場內浸或者响場內飲，職員都會黑面阻止，就係要你走來走去嘥時間🤬5. 拎咗麵包响場內搽牛油，職員都會黑面出口阻止還命令牛油搽响碟邊返埋位慢慢搽🤬 6. 拎食物必需務必拎餐廳提供嘅紙碟（用多陣都會爛🤬），拎了其他自備既容器拎食物，職員都會黑面阻止還命自備容器拎返埋位慢慢用🤬 就根本係冇乜質素同服務可言還要受黑聲同黑面🤬之前諗著地點貪方便，結果成個過程1啲都唔方便，真心真係麻🤬煩真係憑實力假日都唔爆場🤭

其實自助燒烤真的方便，但錫紙也要另外買，番薯🍠又沒有自己先包好，感覺好像去廁所包括，但另外要付款買廁紙般。這個感覺不良好， 3大2細$1152， 都唔係平，市道唔好，這般計算式餐廳，唔會想成日來。如果想近海，另外加$200 ，😅個塲都唔滿，使唔使要加錢呀！？食物質素可以，環境確實寛大，只係營銷手法麻麻。我唔會話我一定唔再來，但係呢個價錢，如果有更好嘅地方，我會選擇其他地方。

服務幫襯之前都睇哂Openrice同Google review知依間野態度麻麻，所以有定哂心理準備，但去到現場又感覺Ok，唔好expect職員會好殷勤好有禮貌同熱情，正常對答啦環境天氣好風景好靚，有d海風時好舒服。但圍欄外係公家路，靠住圍欄食嘢睇風景嘅時候會有路人好近咁係你面前經過😂同埋冇海風嘅時候通風情況麻麻哋，雖然我哋已經加咗$400（2個爐)坐海邊位，但隔4-5張枱嘅客人有段時間係度煙燻嘢食，我哋隔咁遠都俾啲煙攻到標哂眼水，幾個屋企人去搵水洗眼，幾個去廁所(有冷氣)，幾個行到出燒烤場外唞氣。我哋同職員反映，佢哋話燒嘢食係咁㗎啦，然後見到果枱人帶哂公仔麵煲同膠盒裝燒好嘅野食，我哋諗可能係熟客或者自己友，所以職員都冇溫馨提示佢哋影響到其他人啦食物始終係任食都唔會expect質素好好，大部分肉類都醃得偏鹹，以假日價$338一位全日任食黎講，食物種類數量可以接受。但牛扒豬扒豬頸肉等等全部都一大塊，記得自己帶鉸剪或者刀方便進食，現場只有提供環保木刀😂飲品任飲有汽水橙汁蘋果汁同水，全部喺汽水機撳出嚟，夠哂凍，另有罐裝樽裝飲品同酒精飲品可以加錢買，大概$10至$20，一定貴過超市但出街食嘢不嬲

星期六晚嚟呢度燒嘢食，地方偏僻，但環境舒服，場內嘅燈飾都佈置得好靚，有足夠嘅風扇。食物款式唔算太多，都係一般雞翼腸仔扒類….唔算好出色，亦都唔差之前睇過評語話啲職員態度好差，但我哋今晚親自見證過，其實態度都好友善我哋七個人四個人先入，職員好細心吩咐我哋另外嗰三張飛要袋好，之後先出嚟接朋友入去。走嘅時候雖然職員喺度忙緊執嘢，但我哋話要吸車飛，佢都好友善咁走出嚟幫我哋大致上我哋全部人嘅體驗都係正面的👍

復活節假期第一日入咗嚟西貢燒烤，我哋大約一點半嚟到 ，成個場應該坐到幾百人，入座率得二成，都好冷清下，不怪得新聞話啲人北上消費，本港食肆冷清。入到去坐低， 開咗個燒烤爐之後，就自己攞嘢食 ，餐廳嘅食物正常味道，最好味應該係個豬頸肉😋。😌值得寫呢篇食評嘅係因為啲服務員，佢哋真係一絕😒，企喺門口嘅阿姐服務員串咀到爆，用"指揮嘅態度"去叫顧客買咗票先，完全冇服務質素可言😡。跟住坐喺燒烤場內有一個服務員，類似係負責包好啲炭，同埋執好啲枱+ 負責起好個bbq爐 ，佢見我哋個bbq爐燒嘢食嗰陣比較大煙就過嚟望，用極不友善 ，接近係指責你嘅態度😤，喺度話我哋做乜燒嘢食咁大煙， 大大聲咁 exactly 講 :「咁大煙點樣燒嘢食?!🤬」 跟住指指點點咗一輪之後 ，就走開咗 ，態度真係奇差，令人O曬嘴😨。不久我聽到隔離枱啲嬸嬸坐低咗冇耐，就好勞氣話出面服務員，又係話其差態度， 直情想鬧佢咁濟 😟。呢間嘢其實食物係冇問題，配套亦ok，位置都ok，唯一差嘅就係服務員， 畀人人印象非常之差，佢哋真係有好大嘅進步空間囉😂， 真係唔知係唔係老細有默認咗佢哋要咁樣服務 🤭🤐。 其實bbq場都 接近 無服務可言，通常

4個人諗住開開心心BBQ ，一個遲啲到，企門口嘅西面女職員話要比哂錢先准入，海景區又話要加$200，又唔比入去睇環境（入面只得一枱客），諗吓商量都唔得，仲要好大聲講＂咁你要唔要吖，我哋full booking 架＂，火都嚟🤬，做乜要比錢受氣，即走，(我唔信佢真係full )，咁嘅服務態度🤬，一次都唔會益佢，影佢相仲要遮面。呢啲服務態度擺明趕客，所以咁多人北上消費。我哋將啲錢去隔離食泰國菜，又好食服務態度又好，仲有海景枱坐（唔使加錢）🤭，食完望返BBQ 得5枱客（冇人坐海景區）😂，咁就係full booking 😂

襯冬天未完同朋友仔去西貢bbq🤓星期日bbq價錢，每位$277，只收現金。我哋一點幾到bbq場，唔係好多人🤓再晏啲就越嚟越多人。入場時會提供每人一份燒烤叉、紙碟、發泡膠碟、飲品杯、同埋每枱一個蜜糖膠兜+掃，可以去食物區拎蜜糖。我哋自己帶咗啲金菇蒜蓉牛油去燒🤓去到發現原來呢度有牛油提供，不過應該係人造牛油，一大桶嗰啲。我哋仲自己帶咗燒烤網，綿花糖，因為場地冇提供。覺得幾好食嘅食材有：咖喱魷魚、豬頸肉、紅腸、漢堡扒、牛油粟米🤓推薦帶個錫紙兜過嚟，將啲粟米切粒粒，然後燒熟佢。飲品機嘅水唔係幾好飲，蘋果汁好甜😬呢度嘅麵包係厚方包同埋法包，個人比較鍾意燒生命麵包多啲🥹厚方包有啲難燒呢度啲野食一定唔係靚食材，勝在有得任飲任食，又有得同朋友吹下水，都幾開心🤓#沒有接受用餐款待

非常差的服務態度，我們20幾個人前行，有10個到咗都唔俾入，要我們買晒咁多人嘅票先至可以入，但係現場只有現金唔可以比Credit卡，要理論一個小時後才可以放行10多人入去，簡直是不知所謂，咁樣做生意，唔會再有人去幫襯！食物質素差，個杯咁細，成日要行來行去refill, 一定冇下次！食嘢食到一肚火都算係第一次啦！

諗住過年一家大細去燒野食，過年價錢貴都唔緊要，但你要比返D質素人食囉，除左鷄翼食得下，其他麻麻地，甚至入唔到口，環境系Ok嘅，食物真係好差，個杯真係太細囉，兩啖已飲晒，唔通真係要人行來行去拎，唔方便，職員質素麻麻地，一句講晒，無下次

同幾個朋友一行4人收工諗住bbq，美孚無咗燒烤場，元朗嗰啲又試過晒，就諗住嚟西貢試下。我地7點鬆啲到達，咁就買票入場啦，$258/位，但就只收現金。如果海景位仲要加$200開爐費，所謂嘅海景位，你坐低咗係唔會睇到海景。俾完錢佢就俾咗每人一支燒烤叉，4隻發泡膠碟，4隻紙碟，4個膠杯，裝蜜糖嘅膠杯同一盒紙巾，餐具就自己出去攞嘅。野食種類唔多，飲品係汽水機飲品，so far食物味道係ok嘅，但就超級無敵準時9點正就落閘唔俾再攞野食，一分鐘都唔會俾多你，之後想添少少蜜糖都唔得。所謂嘅任飲，佢隻杯好細，燒嘢食好易口渴，咁斟野飲就要來來回回好多次。好多野都係額外收費，燒烤網$70，佢有蕃薯，但又無錫紙俾你，咁買錫紙又要俾錢喇。到咗9點後就間中會有廣播話10點前一定要離場，過咗一陣9點15分左右，無人嘅地方就開始熄燈，到9點40分左右，得返我哋一枱，就熄淨我哋附近嘅燈，然後啲職員行來行去，又成班企喺一個角落望實我哋，真係未試過燒嘢食都咁有壓力😰 大佬呀，你話10點前離場，咁我9點59分走都未夠鐘啫，真係搞到好掃興！講真，個場環境係唔錯，但service就真係無嘅，價錢bbq嚟講唔平，地點又唔係方便，

朝早起身，胃口已經瞓覺去咗🌞，晚咗啲就有得去西貢大肚滿滿地燒烤！一踏入去，海風撲面，吹走哂平時嘅煩惱。我哋一個大團隊去到，就直頭開燒！肉類選擇咗雞翼、牛肉、豬肉應有盡有啊，烤到啲皮脆脆地，入口即溶，肉味噴香💨；蔬菜方面，啲燒茄子真係出乎意料地好食，入口即化，攞嚟夾餅一啖，味道真係正中紅心🎯。飲料就普通咗啲，得個可樂同果汁，下次有冇靚啲嘅茶仲好呢！而且，話說返啲麵包，萬勿錯過啲多士，烤到啲邊金黃脆口，喺腦海中留下唔可磨滅的記憶呢！夜晚燒到10點，講笑傾偈真係揾到幾個知己。而我嘅小朋友又去咗沙灘奔跑放風箏，玩得不亦樂乎🪁。唯一要提留意嘅，就係門口有時會有啲龍爭虎鬥，其他嘅，基本上都算係一個唔錯的体驗。总之，今夜嘅西貢之行，肚皮幸福，心情都跟住上升啲呢！夜晚海風同埋千萬萬顆星光，係城市裏面揾都揾唔到嘅獨有韻味🌟。