滿堂樂滬京風味 (已搬遷) 新店位置

又到糧尾，梗係要食返平少少。好彩紅磡街坊小店多，有時質素分分鐘好過連鎖，滿堂樂就係好例子。津白水餃新鮮製作，餡料多到脹卜卜，調味適中好健康。成碗淨水餃仲有八隻，仲會比菜。同朋友share食梗係唔夠飽，一定要叫多個麵。麵有粗幼揀，我地都鐘意幼既。麵質非常好，係正宗既上海麵。而且份量多，好抵食。湯底係雪菜湯，唔會太咸。最好係咁平都仲會為食客健康著想，比多幾條菜同蔥，好貼心。咁當然唔係淨麵，仲有炸豬扒。豬扒炸到脆遳遳，切件同湯麵分開上，唔怕比湯浸到腍晒，好細心。街坊親民平價食，滿堂樂成為我糧尾既不二之選，哈哈 😄