翟道翟 (已搬遷) 新店位置

觀塘工廈餐廳比較少泰國菜選擇， 呢間係少有的一間。夜晚做完健身上到去食客不算多，但餐廳裝修精緻環境舒適，侍應哥哥比左張大梳化卡位我地坐已經加分😁。人少少叫左紅咖喱雞同蒜蓉包，蒜蓉包熱辣辣脆卜卜連埋紅咖喱雞一齊食好好味。沙爹串燒豬亦有水準，唔會燒到太乾。最好味都係明爐冬陰公烏頭魚。冬陰公湯加上整條烏頭魚嘅魚汁鮮甜無比，烏頭亦樂嫩滑，啲湯都飲左唔少。以兩個人平均人頭兩百零蚊食到呢個水準加上環境我覺得尚算值得。