別忘了

營業中

休息中

星期六去到依間台式餐廳食午餐，餐廳基本上坐無虛席，好受歡迎！餐廳裝修十分靚，好有少女風格，啱晒女仔去打卡😍餐廳仲有送兩張書簽俾你寫願望掛上櫻花樹招牌牛肉麵$72牛肉麵質感好好唔會太腍亦都唔會太韌，湯底非常濃郁但唔會過鹹！牛肉麵配料有牛肉、牛肚、牛筋同牛丸再加半隻蛋，配料非常豐富！所有配料都好大件，又足料！牛肉好入味好腍，一啲都唔韌，好有水準！鹽酥雞翅拼鹽酥雞滷肉飯$60鹽酥雞翅同鹽酥雞都非常酥脆，唔會太油膩。滷肉飯都好惹味，又好大碗，夠晒飽肚！滷肉飯仲有菜脯做配料，令到滷肉飯更加惹味！芋泥冰淇淋窩夫（巧克力）賣相好靚，十分打卡！一份有四件，而且窩夫超厚身，一定要同朋友一齊share！個窩夫本身冇咩味，甜味都係來自污泥同朱古力醬，所以窩夫食落唔會好甜👍🏻檸檬玉蘭綠茶飲品叫咗少甜，甜度啱啱好，唔會過酸或者過甜。茶底味道夠清新，唔會有一種好濃嘅味道。檸檬胭脂桃花紅茶飲品叫咗微甜，甜度都啱啱好，但味道就冇乜特別，同普通紅茶差唔多味。