別忘了

天水圍嘅街坊商場裡面原來都開咗呢間別忘了！餐廳提供多種台式料理、台式小食同埋任食火鍋，食物種類繁多！仲可以將寫好嘅許願卡掛到櫻花樹上面添，真係別具意義啊～🌟Set B 120分鐘任食火鍋套餐✨鴛鴦鍋昆布湯味道鮮甜！沙茶鍋係其中之一款經典嘅台式滋味～✨肉類有多款高質肉類可以任食！M7大米龍同埋M7牛胸腹都係必食，牛味濃郁，入口即溶！配埋富士日本蛋一齊食，口感超嫩滑！茶美豚梅肉肥瘦均勻，帶有豬肉嘅香甜味！另外仲有精選牛板腱、澳洲250日穀飼卡樂Beef等，連羊肉都有～✨台式小食多款台式小食可以任叫，有麻辣鴨血、紹興醉雞、鹽酥雞同台灣腸等等！味道正宗～✨自助吧熱食有多款炸物可供選擇！火鍋配料款式應有盡有，有各種菜類、丸類同麵食等～✨台式飲品台式飲品同樣都好多款式，可以任叫任飲！個人最中意爆打雷萌四季春同埋白桃烏龍～✨甜品可以任叫餐廳招牌嘅甜品，有雲呢拿雪糕、綿綿冰、窩夫等等！另外每位仲可以享有一客Movenpick雪糕/森永牛奶布甸添～✨鳳梨沙冰套餐仲會送一人一杯鳳梨沙冰，清新又解膩～…查看更多

估唔到天水圍都有任食嘅打邊爐🍲 店內仲有棵好大嘅櫻花樹✨ 係櫻花樹下打邊爐，成件事好浪漫🌹~ 打完邊爐仲可以掛低自己嘅願望落樹添😚🍲🍲呢度有最特別嘅限定湯底🤣就係芝士牛奶鍋～ 勁少女心💞 奶香味滿滿😋 另一款就揀咗酒香麻油雞🐥～ 入面仲有紅棗添㗎🤩🐮🐮🐷🐷呢個ꜱᴇᴛ總共有七款肉可以任食🥳 包括：澳洲ᴍ7牛胸腹、澳洲ᴍ7大米龍、鹿兒島茶美豚梅肉、澳洲250日穀飼卡樂 ʙᴇᴇꜰ、牛板腱、豬梅片、羊肉卷…澳洲M7牛胸腹嘅牛味好香濃，記得要蘸上日本蘭王蛋🥚 入口超嫩滑😍 卡樂 ʙᴇᴇꜰ嘅肉質就較結實，而茶美豚梅肉就肥瘦均衡，食落相對煙煙韌韌🙈🍡🥟🥢台式小食都多多款🫣 有甜甜糯糯嘅地瓜球🍠、榴蓮炸彈💥、 爆汁嘅宜蘭蔥肉餅、而金錢肚滷得好入味、麻辣鴨血勁過癮🥰甜品就居然有ᴍöᴠᴇɴᴘɪᴄᴋ雪糕😆仲有原隻芒果雪條同雪糕窩夫添🧇…查看更多

聽聞台式放題火鍋店「別忘了」終於開到黎天水圍，作為一個屯門友真係好開心，連忙約埋friend黎試試🙌。入到店即刻被櫻花主題既裝修吸引，成間餐廳放滿櫻花元素，中間仲有一棵大櫻花樹超搶眼；坐低會拎到張心願卡，寫低心願可以自己掛上去，好有心思又有打卡位🌸。.叫左套餐B $318，整體係以高質肉類為主打——有澳洲M7牛胸腹、澳洲M7大米龍、仲有日本鹿兒島茶美豚梅肉。最正係呢個套餐既牛、豬、羊都可以無限追加，分量同choice好夠彈性，加上超過50款火鍋配料同15款以上台式手調飲品，仲有多款泰式小食同台式甜品，真係食到飽又有好多選擇🍲🥢。.我揀左鴛鴦鍋（吾使加錢，加分👍）：招牌麻辣鍋同藥膳養生鍋各有特色。麻辣鍋係辣而不油，辣味係慢慢上黎，花椒既麻感同辣椒既辣度平衡得好，湯底帶少少香辛料既層次；養生鍋用料十足，有蟲草花、粟米、紅棗、杞子，湯頭偏甜潤同藥材香，滾左一陣後湯味更濃，食落暖胃又清新，兩款互補，夾住食就最正🔥🍜。.講下主角既肉類口感： - 澳洲M7牛胸腹：帶有細緻既脂肪紋理，薄切落鍋幾秒就熟，入口有牛油香同一啲牛肉既甘甜，吾會過膩，口感軟腍帶牛肉本身既彈性。 - 澳洲M7大米龍：肉質較嫩，油花分佈均勻，入口有微微油香同幾分融化感，適合想食牛脂香但又吾想太烈既朋友。 - 日本鹿兒島茶美豚梅肉：豬梅肉本身帶少少脂肪，肉味清甜帶淡淡茶香，口感彈牙但吾硬，涮完仲留有爽滑既豚汁另外仲有澳洲250日穀飼卡樂beef、精選牛板腱、西班牙粟飼豬梅片、羊肉片等任食，由軟腍到有嚼勁都有，滿足吾同喜好🥩🐖🐑。.配料方面真係多到眼花：超過50款！我特別推介讚岐烏冬（彈牙帶煙韌）、韭菜豬肉餃/高麗菜豬肉餃（餡多汁又有菜香）、響鈴、魚皮（滑爽）、韓國拉麵（煮落湯吸滿味）、王子麵、金針菇、菠菜、粟米、海鮮菇、白蘿蔔、蟲草花、萵筍、南瓜、冬菇、午餐肉、魚肉春卷、魚蛋、蟹肉棒、芝士腸、燒賣王、魚片頭、甜不辣等等。每款材質都吾一樣：有d彈牙、有d滑嫩、有d爽口，放入吾同湯底吸滿湯汁後每口都吾同，好正🍜🥟..台式小食係我覺得既一大亮點，全部即叫即制熱辣辣上枱🔥。推介包括： - 鹽酥雞：外皮香脆，調味帶胡椒同蒜香，肉汁保留到，吾會乾； - 澎湖花枝丸：彈牙有嚼勁，海鮮鮮甜； - 台南府城蝦卷：外層炸得香脆，內裡蝦味突出，層次有口感； - 榴槤炸彈：外脆內軟，打開就聞到濃烈既榴槤香，餡係綿滑又夠creamy（榴槤迷必食）； 另外仲有麻辣鴨血、阿嬤金錢肚、小雞排、炸雞翼等，每款都係熱呼呼.台式甜品係放題另一個大驚喜，份量細細件但可以無限encore，好岩食完火鍋想轉口味當甜品位： - 窩夫＋雪糕（窩夫即叫即製）：窩夫外脆內軟帶牛油香，加上冰凍雪糕，熱冷對比好治癒；雪糕口感綿密，甜度合宜，配住窩夫每口都豐富。 - 芋圓仙草凍：芋圓彈牙帶粉香，仙草凍滑溜帶淡淡草本苦甜，兩者一齊食既口感層次好平衡。 - 真芒果雪條（推介）：用真芒果做成，果香十足而且最純粹既天然芒果味，夏天食最正。 其他仲有多款小甜品同雪糕，吾夠可以再encore，分量細但種類多，滿足又吾會太飽。.台式手調飲品係最大賣點之一：普通一杯都要二三十蚊，呢度竟然係任飲，真係超開心！選擇極多，有胭脂桃花紅茶、冬瓜茶、巨版波波奶茶、蜂蜜綠茶、菠蘿綠茶等等。我揀左巨版鳳梨白桃烏龍（真係超大一杯，作為女仔真係飲吾哂🤣）：入口先係白桃既果香，跟住有鳳梨既微酸提味，烏龍底味帶一點茶香，整體清新吾膩，配辣味或者炸物好夾。另外仙草奶茶奶香同仙草甘香交錯，口感滑順帶微微草本回甘，打卡又好飲☕️🍹。…查看更多

上星期六晏晝同姑姐去左天耀別忘了打邊爐我地揀左Set B $308澳洲M7牛胸腹套餐仲見到出左好幾款新湯底特別有一款真係超有興趣牛奶芝士鍋～啱晒奶精既我姑姐揀左椰皇雙子鍋～椰香味十足店員拎到上嚟發現湯底係少女粉好夢幻😍有一樽奶比你自己加～成鍋都奶香奶香～大推🐮澳洲M7牛胸腹 油脂分佈均勻，牛味濃郁，肉質嫰滑🐮精選牛板腱 ～ 口感嫰滑，有牛味🐮澳洲250日穀飼卡樂Beef肉質緊實，愛美既你食多多都唔怕🐷日本鹿兒島茶美豚梅肉🐷西班牙粟飼豬梅片兩款🐷都幾有驚喜，睇得出既嫰滑點少得台式飲品，真係要飲番夠本飲品：凍巨版鳳梨白桃烏龍 少甜 ～ 真係好大杯，幾清新凍冬瓜茶 ～ 真材實料有冬瓜蓉凍冬瓜奶茶～固定甜度，呢個配搭都唔錯咁多杯裡面最欣賞凝香奶茶 茶味濃郁配搭得恰到好處出面自助區有唔同既蔬菜自取每樣拎d番嚟，同埋唔少得脆卜卜既魚皮＆響鈴調味料方面～姑姐係咁讚烏梅醋，話牛肉蘸嚟食無咁膩另外仲點左蘭王生雞蛋(每位客人只可享有一客)任何肉類蘸過蘭王蛋，更突出肉質既香台式墨魚滑 ～ 幾有咬口王子麵 ～ 點少得王子麵甜甜地幾好食台式小食：🐥鹽酥雞 ～ 唔會好乾台灣香腸 ～ 好juicy 食極唔厭榴槤炸彈 ～ 榴槤迷必食🐥紹興醉雞 ～ 雞件十分入味，酒味濃郁麻辣鴨血 ～ 十分惹味夜市甜不辣 ～ 外酥內煙韌宜蘭蔥肉餅 ～ 如果熱d會更好🦐台南府城蝦捲 ～ 都唔錯甜品：🍼森永牛奶布甸(每位客人只可享有一客)好鍾意呢款布丁，去台灣必食，奶味濃郁又勁滑榴槤味雪條(每位客人只可享有一客)姑姐話好香榴槤味，好正雲呢嗱＆朱古力雪糕 各一球好滿足…查看更多

今日專程入天水圍探朋友，揀咗呢間超有氣氛嘅台式火鍋店！一入門口就見到棵好靚嘅櫻花樹，仲可以掛許願卡，未食已經覺得好有心思～我哋揀咗Set B 120分鐘任食火鍋套餐，湯底揀咗藥膳湯同麻辣鍋雙拼。藥膳湯清香滋補，麻辣鍋香濃惹味，兩款都足料！肉類方面真心高質，澳洲M7大米龍同牛胸腹油花均勻，入口即化；日本鹿兒島茶美豚梅肉爽嫩無渣，澳洲250日穀飼牛牛味濃郁，精選牛板腱肉味甘香且有嚼勁；西班牙粟飼豬梅片爽口彈牙，毫無豬膻味；連平時怕羶嘅我都大讚嘅羊肉卷，羶香得嚟非常嫩滑。台式小食同樣出色，台灣腸香甜彈牙，麻辣鴨血嫩滑入味，紹興醉雞酒香四溢，鹽酥雞炸得外脆內嫩，味道非常正宗。自助區有齊各種丸類、蔬菜同麵食，款式多到眼花撩亂～飲品絕對係驚喜！巨版雷萌紅茶茶底醇厚，鳳梨白桃烏龍果香清新，水果茶同四季春都清爽解膩，任飲真係太滿足！最後當然要留肚食甜品～可以任叫餐廳招牌嘅甜品，有雲呢拿雪糕、綿綿冰、窩夫等等。每位客人仲可以免費選一客Movenpick雪糕/森永牛奶布甸/真芒果雪條。…查看更多