影片
更多
2024-04-25
179 瀏覽
去尖沙咀行完街，肚食餓於是係附近搵食。係金巴利道68號扶手電梯上到2樓，發現原來呢度有間《花月宮》，之前係屯門都試過質素唔錯，所以就食呢間。六點多時間尚早不算太繁忙。真心要讚餐廳裝修一流。環境超古典雅緻精美，同個名一樣咁有美感。餐廳設有廂房，可以一班朋友或一家人聚餐。採用自助手機落單，更加方便。提供有多款火鍋湯底，價錢由$88至$298不等。除了可單、雙拼鍋底，更有花月宮特色四格鍋，一次過可以試齊四款特色湯底。我地兩個人選左最經濟嘅「芫茜皮蛋湯底」（$88），雖然係最簡單嘅湯底，但都用料十足，奶白魚湯味濃及鮮甜，有芫茜皮蛋之外，更加有粟米、紅蘿蔔、馬蹄等配料，真材實料。至於火鍋配料亦十分多元化，有海鮮、豬、牛、羊、雞，手工餃子、手打丸及蔬菜等等，應有盡有。如果人多更可選擇各款拼盤，就更加抵食。「薄切牛舌心」（$88），雖然係薄切，但都吾會薄得太過份。而且呢個價錢嚟講，份量幾多下，數過約有16片左右，色澤亦新鮮紅潤。「風花雪月餃子拼盤」（$168），超鍾意呢個賣相，勁正勁有心思。共有12粒餃子，六種口味。黑色係黑松露；橙色係麻辣味 ；綠色係韮菜、薑汁蟹肉餃、雲吞及水餃。每款口味都有特色及
真心要讚餐廳裝修一流。環境超古典雅緻精美，同個名一樣咁有美感。餐廳設有廂房，可以一班朋友或一家人聚餐。
採用自助手機落單，更加方便。提供有多款火鍋湯底，價錢由$88至$298不等。除了可單、雙拼鍋底，更有花月宮特色四格鍋，一次過可以試齊四款特色湯底。
我地兩個人選左最經濟嘅「芫茜皮蛋湯底」（$88），雖然係最簡單嘅湯底，但都用料十足，奶白魚湯味濃及鮮甜，有芫茜皮蛋之外，更加有粟米、紅蘿蔔、馬蹄等配料，真材實料。
至於火鍋配料亦十分多元化，有海鮮、豬、牛、羊、雞，手工餃子、手打丸及蔬菜等等，應有盡有。如果人多更可選擇各款拼盤，就更加抵食。
「薄切牛舌心」（$88），雖然係薄切，但都吾會薄得太過份。而且呢個價錢嚟講，份量幾多下，數過約有16片左右，色澤亦新鮮紅潤。
「風花雪月餃子拼盤」（$168），超鍾意呢個賣相，勁正勁有心思。共有12粒餃子，六種口味。黑色係黑松露；橙色係麻辣味 ；綠色係韮菜、薑汁蟹肉餃、雲吞及水餃。每款口味都有特色及驚喜，值得一試。
「白鱔片」（$98），份量亦不少，厚薄均勻，爽口有鱔味。
「珊瑚桂花雙拼」（$138），可以食勻兩款蚌，肉爽口彈牙有鮮味。
七點多已陸續不少客人入座，建議先訂座。餐廳另特設早鳥及宵夜優惠，可享有78折，詳情最好向店員查詢。
張貼
