新記雞粥

營業中

休息中

今日同啲同事去食下午茶, 叫咗皮蛋瘦肉粥及炒麵，另外再叫咗個炸兩。味道唔錯，粥底好軟綿，之前食過佢既雞粥好正仲有雞油嘅油香，雞肉又滑又夠味，雞粥絕對係佢哋嘅名物。炸兩嘅油炸鬼都脆口味道ok，而炒麵就正常水平。其實佢呢間餐廳嘅炒嘢都好味，好似星洲炒米同埋XO醬豬扒炒公仔麵都好正，都係我常叫嘅嘢食。特別一提佢有個咖哩豬扒飯，真係估佢唔到啲咖哩又香，豬扒又好食喎。上次我聽到有兩三個人叫咗炸魷魚鬚外賣，下次等我都試下好唔好味先。