炯記餐室 (沙咀道) (已改名) 查看

今日幫襯左位於荃灣嘅炯記餐室嘅外賣，餐廳位於荃新天地隔離，位置都算幾方便。佢哋主打嘅都係一啲嘅燒味例如燒鵝，叉燒，燒腩等等。鹽焗手撕雞飯手撕雞嘅份量都好足料啊，雞絲帶有鹹香，加上上面落咗少少芝麻，令到成份雞都有芝麻香味。醬皇叉燒份量夠晒多，叉燒肥瘦得宜，入口非常之柔軟，調味又調得岩岩好，唔會偏甜或者偏鹹，好味。脆皮燒腩仔飯燒腩仔唔會太多脂肪，入口唔會太過老，燒腩仔皮仲係脆卜卜嘅。冬菇扒生菜冬菇煮得好入味，生菜好鮮嫩，好味。整體來講，餐廳嘅燒味質素都唔錯，價錢又親民，所以都見到有唔少捧場客。