球哥燉湯

營業中

休息中

椰子栗子雞炖湯📍上環·球哥燉湯呢排都冇過海，一路都係港島搵嘢食。呢間燉湯專賣店係上環都小有名氣，我地6點幾到店仲餘一張檯，食勻之後都見到好多人係門口等緊外賣。除左招牌嘅燉湯以外都有煲同埋炒菜，但呢啲湯就係比較普通、家常d嘅啦。用料實在，果椰子栗子雞湯初初端上來我都係發覺果椰子香味四溢，成碗湯椰子都占左一半。不過栗子就少d，只得番兩舊。作為一個栗子控，難免會有少少失望。其實大家都知燉湯，最重要嘅肯定係湯來㗎，所以d雞肉就比較乾柴，畢竟精華都已經走入湯裡面了。不過除左雞肉，仲有幾舊排骨，增添一點油潤。總體來講，都係比較媽媽菜嘅水準。如果要配飯，一碗飯要12蚊，但有白飯同紅米飯可以揀，我都覺得好貴，因為平時係大陸白飯都係免費，至多唔會超過5蚊。湯以外嘅部分就有d失望了，我地仲order左一個黑椒茄子魚塊煲。其實果黑椒氣味都係特出嘅，但就好似冇擺鹽係呢到。可能對一間燉湯店，除左燉湯之外嘅嘢，就唔好太critical啦。