本色鍋品料理

營業中

休息中

打邊爐嘅季節又嚟啦，所以我決定開始搵唔同嘅火鍋店，睇吓2019年邊間打邊爐係最正先~開季第一間就去咗北角本色火鍋，裝修都唔錯，有卡位梳化。食物方面湯底都有唔同嘅選擇特別嘅有美人鍋同滷水鍋，今次就試咗個美人鍋先~湯底嘅料都非常唔簡單，入面有成隻烏雞仲有花膠，花膠完全無嗱過，係用真花膠筒~加曬分!另外仲有藥材。蟶子皇 -上枱嘅時候仲郁郁吓，非常新鮮，味道好鮮甜，價錢唔貴抵食。手打蟹籽鮮蝦丸拼墨魚丸-人少少又想食唔同味每樣有3粒幾份量啱啱好，蝦丸同墨丸好彈牙，蝦丸食落有啲卜卜感，因為入面放有大量蟹籽，好味道~鬆脆炸魚皮-份量好大，魚皮炸得好鬆，不過可能炸得太鬆脆嘅關係有啲變得好細塊。竹蔗紅甘筍汁-味道清清地，唔太甜，唔覺有糖精味，打邊爐飲呢杯竹蔗汁可以解解熱氣。