吞POT 雞煲火鍋.住家菜 (譽發廣場) (已結業)

好耐冇打邊爐，朋友介紹食呢一間吞pot雞煲火鍋，就即管試下，上到22樓，一入到去感覺好開揚，因為係全落地玻璃，好遠既景都可以睇到，可以一路打邊爐一路睇夜景。我地唔係好肚餓，所以唔敢叫雞煲，驚食唔晒，我地叫左個招牌鮮魚湯鍋，自家炸響鈴，特級雪花牛肋片，手打四寶丸同埋萵筍片。招牌鮮魚湯鍋-除咗先魚湯，入邊仲有豆腐，蕃茄同埋秀珍菇。自家炸響鈴-由於響鈴係即叫即炸既關系，所以要少少時間，但係新鮮滾熱辣。特級雪花牛肋片-打邊爐又點少得牛肉。手打四寶丸-有黑墨魚丸、丸墨魚丸、牛丸同埋蝦丸。萵筍片-平時喺屋企好少整，因為功夫多，打邊爐必食。