THE HUNTER

將軍澳區高質地中海菜，The Hunter食過係相當好，呢日再來食二人世界晚餐。餐廳好大，室外位置望住海邊靚景好chill，座位超寬敞舒適，所以好受外國人喜愛。前菜我哋揀咗吞拿魚他他，帶有洋蔥丁同吞拿魚醬，吞拿魚肉粒，帶有檸檬汁同醋嘅味道，非常開胃。餐廳出名熟成牛肉同cocktail ，地中海菜嘅特色係結合多種香料烹調，增添風味，熟成牛嘅牛肉特別香濃，再經過煙燻，帶少少焦香，真係超美味。麵類我哋揀咗松露蘑菇麻花捲意大利麵，松露同蘑菇個味道非常突出香濃，加埋濃稠嘅醬汁，呢道菜下次可以再encore。餐廳特色Cocktail一定要點，滿滿的度假feel。臨近母親節，見都有唔少家庭嚟慶祝食晚飯。