Espuma (M88)

營業中

休息中

今日去娛樂行英皇戲院睇戲之前，同另一半食個浪漫既晚餐再去拍拖，佢帶左我去一間位於中環M88靚景餐廳，由於係17樓，所以有種居高臨下既感覺，望到下面既歷史教堂同禮賓府，開揚景觀真係好適合拍拖聚餐。呢間西班牙餐廳，主菜點可以少左龍蝦汁西班牙海鮮燉飯、同埋西班牙脆皮豬腩。海鮮燉飯上面鋪滿左新鮮海鮮，加少少檸檬汁更加有鮮味，而燉飯當然係比平時食開既飯較為濕，但加左龍蝦汁，味道相當豐富。另外脆皮豬腩相當有驚喜，我相信廚師有改良到比較迎合香港人口味，所以佢個皮非常之脆同香口。