Briketenia (已改名) 查看

今次又黎北角，又想食西餐，係北角匯搵到呢間Briketenia法國餐廳，講真唔多食法國菜，今次就試下啦!  Briketenia環境幾好，座位幾闊落，裝修行高雅輕鬆路線，坐得舒服，有海景，仲有得睇日落，唔錯唔錯。🔸麵包&醬法包外脆內軟,配埋個醬幾夾,2個人4件包食下食下都清左🔸前菜小食 - 煙三文魚軟芝士卷煙三文魚中間包住軟芝士，咸咸香香，芝士味道溫和🔸鮮蝦柑桔沙律色彩繽紛，甜甜酸酸，蝦肉都爽彈🔸忌廉蘑菇湯伴松露醬香濃既松露味，幾好飲不過覺得好以咸少少🔸香烤比目魚配粟米蓉及蔬菜比目魚整得幾好，岩岩好唔會過熟，外香內嫩。另外粟米蓉好特別，第一次食，味道同質感有少少似麥皮。🔸香烤豬扒配薯蓉及蔬菜豬扒嫩滑有肉汁，估唔到豬扒都可以咁爽彈，薯蓉質地綿滑但味道略淡。