City Dancer Grill & Live Music Bar (已結業)

今日老公帶左我去30樓高既西餐廳食飯慶祝🥰一出lift 就已經係餐廳，可惜今日外面落住大雨，我哋有啲狼狽下先去到餐廳，但服務員勁細心，見到我哋淋到濕晒都俾咗紙巾同暖水我哋，勁貼心嘅服務呢！最開心嘅係餐廳位於30樓嘅位置，可以俾我哋望到跑馬地同維港一帶😍望住個咁靚嘅景食飯都真係幾開心㗎！🎈慢煮牛面肉·薯蓉·甘筍·粟米仔（$238）呢款lunch set 好抵食👍🏻開業期間仲有甜品送😍有沙律，餐包同餐湯。先講講個餐湯，超級好飲！係我最喜歡嘅粟米忌廉湯！口感好creamy！而且好多粟米粒喺入面，淨係飲呢個湯都夠開心！慢煮牛面肉肉質嫩滑，口感細嫩，淋得黎又有口感。仲要勁多肉汁😍完全係我最愛呀😍再講講set lunch 送既甜品，一款三件，味道好好！set lunch 性價比真心高👍🏻每款蛋糕都好精美好味，我特別愛紅桑子果款👍🏻唔會死甜，好fresh!🎈美國安格牛肉眼伴炒野菌·薯蓉（$428）安格斯牛口感嫩滑，我哋叫左medium熟度，口感勁好！肉質細嫩，有著豐富的肉汁和細膩口感。每一口都充滿著濃郁牛肉味，完美保留牛既鮮美度和柔軟度。薯蓉柔軟細滑，有濃郁的香味和奶香味，同牛肉和野菌味道相得益彰。