霸王川莊 (已結業)

今日訓到王朝八晏先起身，出門搵野食時已經係下午茶時間。經過呢間餐廳時見到有下午茶menu, 仲要主打四川菜，無辣不歡o既我已經垂涎三尺🤤下午茶好抵食呀，我簡既套餐$75已經包任選三款小涼菜，一個地方主食同埋特飲一款。酸菜桂花魚紅薯粉之前番大陸食過好好食既酸菜魚，一直對果種味道念念不忘，食過呢間餐廳o既酸菜魚紅薯粉之後，好開心之後唔一定要番大陸先搵到果種味道啦!!😆 一百個like ar! 👍🏻d桂花魚肉大大舊，好滑好有鮮味，最重要係魚肉好入味，酸菜湯底滲晒入魚肉裡面。有時食完D湯麵番到屋企會覺得好口渴，要飲好多水，但呢個唔會，個湯底調味濃淡得宜，我食到最後差D連湯都飲晒🤭。 紅薯粉係我o既至愛，呢隻紅薯粉好優質呀，比較粗身，晶瑩剔透，QQ彈彈，軟硬適中，因為下午茶既關係，薯粉o既份量岩岩好，唔會太多。主食上菜前可以任簡3⃣款小菜，我簡左尖椒皮蛋、酸辣水晶粉皮同埋麻辣雞腎，3樣o既味道都好有四川風味, 加埋呢3碟小菜令成個套餐既味覺享受提升左一個層次⬆!!!食辣梗係唔少得一杯凍飲，我簡左青蘋果冰茶，味道清新，唔會太甜，都幾解辣架😚每檯仲附送熱八寶茶, 唔飲得凍野o既你都可以飲茶解辣🍵唔食辣