堅信號上海生煎皇 (欣榮商場)

營業中

休息中

堅信號不嬲出名食生煎包，今次過嚟食佢呢個雲吞雞湯飯，發現都唔錯，個湯底好夠味，見佢都有啲金華火腿喺裏面調味，做湯飯其實都好唔錯，而且個啲雞件都有7，8件，仲有兩粒雲吞同埋娃娃菜，跟餐會送一杯綠茶。唯一有樣嘢可以改善一下，就係個湯鍋可以有個蠟燭之類嘅嘢heat住佢，等我唔使食食下就好快凍，同埋啲雞都有啲碎骨，食時要小心，仲有個雞似係煲咗一段時間，開始有少少鞋，但整體都可接受嘅，白飯就好大碗，女士食一個餐都已經好夠飽。